آسان قرآن
Aasan Quran · 30. Ar-Room · Ayah 38
فَاٰتِ ذَا الْقُرْبٰى حَقَّهٗ وَ الْمِسْكِیْنَ وَ ابْنَ السَّبِیْلِ١ؕ ذٰلِكَ خَیْرٌ لِّلَّذِیْنَ یُرِیْدُوْنَ وَجْهَ اللّٰهِ١٘ وَ اُولٰٓئِكَ هُمُ الْمُفْلِحُوْنَ﴿38﴾
- فَاٰتِپس دو تم
- ذَا الْقُرْبٰىقرابت دار
- حَقَّهٗاس کا حق
- وَالْمِسْكِيْنَاور محتاج
- وَابْنَ السَّبِيْلِ ۭاور مسافر
- ذٰلِكَیہ
- خَيْرٌبہتر
- لِّلَّذِيْنَان لوگوں کے لیے جو
- يُرِيْدُوْنَوہ چاہتے ہیں
- وَجْهَ اللّٰهِ ۡاللہ کی رضا
- وَاُولٰٓئِكَاور وہی لوگ
- هُمُوہ
- الْمُفْلِحُوْنَفلاح پانے والے
17: پچھلی آیت میں بتایا گیا تھا کہ رزق تمام تر اللہ تعالیٰ کی عطا ہے، اس لئے جو کچھ اس نے عطا فرمایا ہے وہ اسی کے حکم اور ہدایت کے مطابق خرچ ہونا چاہیے، لہذا اس میں غریبوں مسکینوں اور رشتہ داروں کے جو حقوق اللہ تعالیٰ نے مقرر فرمائے ہیں وہ ان کو دینا ضروری ہے، اور دیتے وقت یہ اندیشہ نہیں ہونا چاہیے کہ اس سے مال میں کمی آجائے گی، کیونکہ جیسا کہ پچھلی آیت میں فرمایا گیا رزق کی کشادگی اور تنگی اللہ تعالیٰ ہی کے قبضے میں ہے وہ تمہیں حقوق کی ادائیگی کے بعد محروم نہیں فرمائے گا، چنانچہ آج تک نہیں دیکھا گیا کہ حقوق ادا کرنے کے نتیجے میں کوئی مفلس ہوگیا ہو۔