آسان قرآن
Aasan Quran · 4. An-Nisaa · Ayah 130
وَ اِنْ یَّتَفَرَّقَا یُغْنِ اللّٰهُ كُلًّا مِّنْ سَعَتِهٖ١ؕ وَ كَانَ اللّٰهُ وَاسِعًا حَكِیْمًا﴿130﴾
- وَاِنْاور اگر
- يَّتَفَرَّقَادونوں جدا ہوجائیں
- يُغْنِ اللّٰهُاللہ بےنیاز کردے گا
- كُلًّاہر ایک کو
- مِّنْسے
- سَعَتِهٖاپنی کشائش سے
- وَكَانَاور ہے
- اللّٰهُاللہ
- وَاسِعًاکشائش والا
- حَكِيْمًاحکمت والا
Translation · Aasan Quran
اور اگر دونوں جدا ہو ہی جائیں تو اللہ اپنی (قدرت اور حمت کی) وسعت سے دونوں کو (ایک دوسرے کی حاجت سے) بےنیاز کردے گا۔ (79) اللہ بڑی وسعتوں والا، بڑی حکمت والا ہے۔
Tafseer · Aasan Quran
79: مصالحت کی تمام کوششوں کے باوجود ایک مرحلہ ایسا آسکتا ہے کہ اس کے بعد نکاح کا رشتہ میاں بیوی پر تھوپے رکھنا دونوں کی زندگی کو اجیرن بناسکتا ہے، ایسی صورت میں طلاق اور علیحدگی کا راستہ اختیار کرنا بھی جائز ہے، اور یہ آیت اطمینان دلارہی ہے کہ جب خوش اسلوبی سے جدائی عمل میں آجائے تو اللہ تعالیٰ دونوں کے لئے ایسے راستے پیدا کردیتا ہے کہ دونوں ایک دوسرے کی ضرورت سے بےنیاز ہوجاتے ہیں۔