آسان قرآن
Aasan Quran · 47. Muhammad · Ayah 20
وَ یَقُوْلُ الَّذِیْنَ اٰمَنُوْا لَوْ لَا نُزِّلَتْ سُوْرَةٌ١ۚ فَاِذَاۤ اُنْزِلَتْ سُوْرَةٌ مُّحْكَمَةٌ وَّ ذُكِرَ فِیْهَا الْقِتَالُ١ۙ رَاَیْتَ الَّذِیْنَ فِیْ قُلُوْبِهِمْ مَّرَضٌ یَّنْظُرُوْنَ اِلَیْكَ نَظَرَ الْمَغْشِیِّ عَلَیْهِ مِنَ الْمَوْتِ١ؕ فَاَوْلٰى لَهُمْۚ﴿20﴾
- وَيَقُوْلُاور وہ کہتے ہیں
- الَّذِيْنَوہ لوگ جو
- اٰمَنُوْاایمان لائے
- لَوْلَا نُزِّلَتْکیوں نہ اتاری گئی
- سُوْرَةٌ ۚایک سورة
- فَاِذَآسو جب
- اُنْزِلَتْاتاری جاتی ہے
- سُوْرَةٌسورة
- مُّحْكَمَةٌصاف صاف معانی والی
- وَّذُكِرَاور ذکر کیا جاتا ہے
- فِيْهَااس میں
- الْقِتَالُ ۙجنگ
- رَاَيْتَ الَّذِيْنَتم دیکھوگے وہ لوگ
- فِيْ قُلُوْبِهِمْان کے دلوں میں
- مَّرَضٌبیماری
- يَّنْظُرُوْنَوہ دیکھتے ہیں
- اِلَيْكَآپ کی طرف
- نَظَرَدیکھنا
- الْمَغْشِيِّبیہوشی طاری ہوگئی
- عَلَيْهِاس پر
- مِنَ الْمَوْتِ ۭموت کی
- فَاَوْلٰىسو خرابی
- لَهُمْان کے لئے
10: صحابہ کرام ؓ کو قرآن کریم سے عشق تھا، اس لیے انہیں ہمیشہ یہ اشتیاق رہتا تھا کہ کوئی نئی سورت نازل ہو، خاص طور پر جو حضرات جہاد کے مشتاق تھے، انہیں یہ انتظار تھا کہ کسی نئی سورت کے ذریعے انہیں جہاد کی اجازت ملے۔ منافق لوگ بھی ان کی دیکھا دیکھی کبھی اس خواہش کا اظہار کردیتے ہوں گے، لیکن جب جہاد کی آیتیں آئیں تو ان کے سارے اشتیاق کی قلعی کھل گئی۔ اللہ تعالیٰ فرماتے ہیں کہ زبانی شوق ظاہر کرنے کا کیا فائدہ ؟
جب وقت آئے، اس وقت اگر اللہ تعالیٰ کے ساتھ کئے ہوئے وعدے کو سچا کردکھائیں تو ان کے حق میں بہتر ہو۔