بصیرتِ قرآن
Baseerat-e-Quran · 6. Al-An'aam · Ayah 21
وَ مَنْ اَظْلَمُ مِمَّنِ افْتَرٰى عَلَى اللّٰهِ كَذِبًا اَوْ كَذَّبَ بِاٰیٰتِهٖ١ؕ اِنَّهٗ لَا یُفْلِحُ الظّٰلِمُوْنَ﴿21﴾
- وَمَنْاور کون
- اَظْلَمُسب سے بڑا ظالم
- مِمَّنِاس سے جو
- افْتَرٰيجو بہتان باندھے
- عَلَيپر
- اللّٰهِاللہ
- كَذِبًاجھوٹ
- اَوْ كَذَّبَیا جھٹلائے
- بِاٰيٰتِهٖاس کی آیتیں
- اِنَّهٗبلاشبہ وہ
- لَا يُفْلِحُفلاح نہیں پاتے
- الظّٰلِمُوْنَظالم (جمع)
Translation · Baseerat-e-Quran
اور اس سے زیادہ اپنے آپ پر ظلم کرنے والا کون ہے جو اللہ پر چھوٹا بہتان باندھتا ہے۔ اور اس کی آیات کو جھٹلاتا ہے۔ بیشک ظالم کبھی فلاح نہیں پائیں گے۔
Tafseer · Baseerat-e-Quran
لغات القرآن : آیت نمبر 21 :
من اظلم ممن (اس سے بڑھ کر ظالم کون ہوگا) ‘ لایفلح (کامیابی نہ پائے گا) ‘
تشریح، آیت نمبر 21 :
گزشتہ آیت میں فرمایا ہے (بلکہ اس سے پہلے بھی) کہ وہی لوگ ایمان نہیں لائیں گے جو اپنے نفس پر ظلم کرنے والے ہیں۔ ایمان نہ لانا۔ اپنے آپ پر سب سے بڑا ظلم کرنا ہے۔ مشرکین مکہ کے وفد کو خاص طور پر مخاطب کیا گیا ہے کہ اللہ کی ذات اور صفات میں اللہ کے بندوں کو شریک کرنا اللہ پر بھی اور اس کے پیغمبروں پر بھی سب سے بڑا الزام ہے۔ چناچہ اللہ کا فیصلہ ہے۔ ظالم کبھی فلاح نہیں پائیں گے۔ ایک اور جگہ کہا گیا ہے کہ اللہ تعالیٰ ظالموں پر لعنت بھیجتا ہے۔