Kashf-ur-Rahman

وَّ یَرْزُقْهُ مِنْ حَیْثُ لَا یَحْتَسِبُ١ؕ وَ مَنْ یَّتَوَكَّلْ عَلَى اللّٰهِ فَهُوَ حَسْبُهٗ١ؕ اِنَّ اللّٰهَ بَالِغُ اَمْرِهٖ١ؕ قَدْ جَعَلَ اللّٰهُ لِكُلِّ شَیْءٍ قَدْرًا

وَّيَرْزُقْهُ : اور رزق دے گا اس کو مِنْ حَيْثُ لَا : جہاں سے، نہ يَحْتَسِبُ : وہ گمان کرتا ہوگا وَمَنْ يَّتَوَكَّلْ : اور جو بھروسہ کرے گا عَلَي اللّٰهِ : اللہ پر فَهُوَ حَسْبُهٗ : تو وہ کافی ہے اس کو اِنَّ اللّٰهَ : بیشک اللہ تعالیٰ بَالِغُ اَمْرِهٖ : پہنچنے والا ہے اپنے حکم کو قَدْ جَعَلَ اللّٰهُ : تحقیق بنادیا اللہ نے لِكُلِّ شَيْءٍ : ہر چیز کے لیے قَدْرًا : ایک اندازہ

اور اس کو ایسی جگہ سے رزق پہنچاتا ہے جہاں سے اس کا خیال بھی نہیں ہوتا اور جو اللہ تعالیٰ پر بھروسہ رکھے گا تو خدا تعالیٰ اس کے لئے کافی ہے بیشک اللہ تعالیٰ اپنا کام پورا کرکے رہتا ہے بلا شبہ اللہ تعالیٰ نے ہرچیز کا ایک اندازہ مقرر کر رکھا ہے۔

(3) اور اس کو ایسی جگہ سے رزق عطا فرماتا ہے جہاں سے اس کو خیال بھی نہیں ہوتا اور جو اللہ تعالیٰ پر بھروسہ رکھتا ہے تو اللہ تعالیٰ اس کے لئے کافی ہوتا ہے بیشک اللہ تعالیٰ اپنا کام پورا کرکے رہتا ہے اور اللہ تعالیٰ اپنا کام پورا کرلیتا ہے بلاشبہ اللہ تعالیٰ نے ہر چیز کا ایک اندازہ مقرر کررکھا ہے۔ میاں بیوی کے تعلقات میں چونکہ تقویٰ اور پرہیزگاری کا بڑا دخل ہے کیونکہ اس کے بغیر حقوق کی ادائیگی میں کوتاہی کا امکان ہے اس لئے تقوے کی تاکید کرتے ہوئے اوپر فرمایا تھا کہ پرہیزگاروں کے لئے مخلصی اور کشائش کی راہ نکال دی جاتی ہے۔ اب فرمایا رزق رسانی بھی بیگمان ہوتی ہے اور جو شخص اللہ پر بھروسہ رکھتا ہے تو اللہ تعالیٰ اس کے تمام امور میں کافی ہوجاتا ہے یعنی متوکل کی تمام ضرورتوں اور حاجتوں کا ذمے دار ہوتا ہے بشرطیکہ توکل صحیح ہو نبی کریم ﷺ نے فرمایا ہے اگر تم اللہ تعالیٰ پر ایسا توکل کرو جو توکل کرنے کا حق ہے تو اللہ تعالیٰ اس طرح تم کو رزق دے جس طرح پرندوں کو روزی دیتا ہے کہ وہ صبح کو بھوکے نکلتے ہیں اور شام کو پیٹ بھر کر واپس ہوتے ہیں یہ جو فرمایا اللہ تعالیٰ اپنا کام پورا کرلیتا ہے یعنی اللہ تعالیٰ اپنے کام پر پوری طرح قابو یافتہ ہے۔ سورہ یوسف میں فرمایا تھا واللہ غالب علی امرہ یہاں غالب کو مقلوب کرکے فرمایا بالغ امرہ اللہ تعالیٰ نے ہر شئی کا اندازہ مقررکررکھا ہے یعنی جو چیز نازل فرماتا ہے وہ اندازے کے ساتھ نازل فرماتا ہے اگرچہ ہر شئی کے خزانے موجود ہیں آگے ان عورتوں کی عدت کو فرمایا جن کو حیض نہیں آتا۔

Top