Tafseer-e-Madani - Al-Kahf : 8
وَ اِنَّا لَجٰعِلُوْنَ مَا عَلَیْهَا صَعِیْدًا جُرُزًاؕ
وَاِنَّا : اور بیشک ہم لَجٰعِلُوْنَ : البتہ کرنے والے مَا عَلَيْهَا : جو اس پر صَعِيْدًا : صاف میدان جُرُزًا : بنجر (چٹیل)
اور بلاشبہ ہم نے وہ سب کچھ جو کہ اس (زمین) پر ہے (ایک دن بالکل مٹا کر) اسے ایک چٹیل میدان بنادینا ہے،3
10۔ دنیا کا انجام فنا وزوال :۔ سو ارشاد فرمایا گیا اور یقینا ہم نے اس کو پھر ایک چٹیل میدان بنادینا ہے۔ تب اس کی یہ سب زیب وزینت اور چہل پہل ختم ہوجائے گی کہ یہ سب کچھ بہرحال فانی ہے۔ کل من علیھا فان ویبقی وجہ ربک ذوالجلال والاکرام تو پھر ایسی فانی اور عارضی چمک دمک پر لٹو ہو کر اپنی حقیقت اور اپنے انجام سے غافل ہوجانا کسی بھی عقلمند کو کیسے زیب دے سکتا ہے ؟ سو اس دنیا فانی کی اس چمک دمک پر لٹو اور فریفتہ ہو کر آخرت کو فراموش کردینا حماقت بھی ہے اور بڑے ہی خسارے کا سودا بھی کہ یہ بہرحال فانی ہے۔ اور اس نے بہرحال آخرکار مٹ کر رہنا ہے۔
Top