تدبرِ قرآن
Tadabbur-e-Quran · 16. An-Nahl · Ayah 37
Tafseerاِنْ تَحْرِصْ عَلٰى هُدٰىهُمْ فَاِنَّ اللّٰهَ لَا یَهْدِیْ مَنْ یُّضِلُّ وَ مَا لَهُمْ مِّنْ نّٰصِرِیْنَ﴿37﴾
- اِنْاگر
- تَحْرِصْتم حرص کرو (للچاؤ)
- عَلٰي هُدٰىهُمْان کی ہدایت کے لیے
- فَاِنَّ اللّٰهَتو بیشک اللہ
- لَا يَهْدِيْہدایت نہیں دیتا
- مَنْجسے
- يُّضِلُّوہ گمراہ کرتا ہے
- وَمَااور نہیں
- لَهُمْان کے لیے
- مِّنْکوئی
- نّٰصِرِيْنَمددگار
Translation · Tadabbur-e-Quran
اگر تم ان کی ہدایت کے حریص ہو تو اللہ ایسوں کو ہدایت نہیں دیا کرتا جن کو گمراہ کردیتا ہے اور ان کا کوئی مددگار نہیں بنتا
Tafseer · Tadabbur-e-Quran
اِنْ تَحْرِصْ عَلٰي هُدٰىهُمْ فَاِنَّ اللّٰهَ لَا يَهْدِيْ مَنْ يُّضِلُّ وَمَا لَهُمْ مِّنْ نّٰصِرِيْنَ۔
پیغمبر ﷺ کو تسلی : یہ پیغمبر ﷺ کے لیے تسلی ہے۔ آپ کو اپنی قوم کی ہدایت کی شدید تمنا تھی اس وجہ سے آپ ان کے پیچھے انے رات دن ایک کیے ہوئے تھے۔ اللہ تعالیٰ نے آپ کو تسلی دی کہ جو لوگ خدا کے قانون ضلالت کی زد میں آچکے ہیں اب ان کو ہدایت نصیب نہیں ہوسکتی۔ ایسوں کا کوئی مددگار نہیں بنتا۔ خدا ہدایت انہی لوگوں کو بخشتا ہے جو اپنی فطری صلاحیتیں اس کے لیے اسعمال کرتے اور اس کے طلب گار بنتے ہیں۔