تدبرِ قرآن
Tadabbur-e-Quran · 29. Al-Ankaboot · Ayah 11
وَ لَیَعْلَمَنَّ اللّٰهُ الَّذِیْنَ اٰمَنُوْا وَ لَیَعْلَمَنَّ الْمُنٰفِقِیْنَ﴿11﴾
- وَلَيَعْلَمَنَّاور البتہ ضرور معلوم کریگا
- اللّٰهُاللہ
- الَّذِيْنَوہ لوگ جو
- اٰمَنُوْاایمان لائے
- وَلَيَعْلَمَنَّاور البتہ ضرور معلوم کریگا
- الْمُنٰفِقِيْنَمنافق (جمع)
Translation · Tadabbur-e-Quran
اور اللہ ایمان والوں کو بھی ممیز کرکے رہے گا اور منافقوں کو بھی ممیز کرکے رہے گا۔
Tafseer · Tadabbur-e-Quran
ولیعلمن اللہ الذی امنوا ولیعلمن النفقین (11)
مطلب یہ ہے کہ جب اس طرح مخلصین کے ساتھ منافقین بھی ملے ہوئے ہیں تو اللہ ان کو اسی طرح چھوڑے نہیں رکھے گا بلکہ وہ ان دونوں کو چھانٹ کر الگ الگ کرے گا۔ الذین امنوا سے یہاں مومنین مخلصین مراد ہیں۔ اس لئے کہ اس کے مقابل میں منافقین کا ذکر ہے جن کا کردار اوپر والی آیت میں یہ بیان ہوا ہے کہ وہ ایمان کے مدعی تو بن بیٹھے ہیں لیکن اس راہ میں چوٹ کھانے کے لئے تیار نہیں ہیں۔ یہ بات بصینعہ تاکید بیان ہوئی جسے سے واضح ہوتا ہے کہ بہ فرق و امتیاز اللہ تعالیٰ کی صفات کا لازمی تقاضا ہے، اگر وہ ایسا نہ کرے تو یہ بات اس کے عدل کے منافی ہوگی۔