تدبرِ قرآن
Tadabbur-e-Quran · 33. Al-Ahzaab · Ayah 55
لَا جُنَاحَ عَلَیْهِنَّ فِیْۤ اٰبَآئِهِنَّ وَ لَاۤ اَبْنَآئِهِنَّ وَ لَاۤ اِخْوَانِهِنَّ وَ لَاۤ اَبْنَآءِ اِخْوَانِهِنَّ وَ لَاۤ اَبْنَآءِ اَخَوٰتِهِنَّ وَ لَا نِسَآئِهِنَّ وَ لَا مَا مَلَكَتْ اَیْمَانُهُنَّ١ۚ وَ اتَّقِیْنَ اللّٰهَ١ؕ اِنَّ اللّٰهَ كَانَ عَلٰى كُلِّ شَیْءٍ شَهِیْدًا﴿55﴾
- لَا جُنَاحَگناہ نہیں
- عَلَيْهِنَّعورتوں پر
- فِيْٓمیں
- اٰبَآئِهِنَّاپنے باپ
- وَلَآاور نہ
- اَبْنَآئِهِنَّاپنے بیٹوں
- وَلَآ اِخْوَانِهِنَّاور نہ اپنے بھائی
- وَلَآاور نہ
- اَبْنَآءِ اِخْوَانِهِنَّاور اپنے بھائیوں کے بیٹے
- وَلَآاور نہ
- اَبْنَآءِ اَخَوٰتِهِنَّاپنی بہنوں کے بیٹے
- وَلَااور نہ
- نِسَآئِهِنَّاپنی عورتیں
- وَلَااور نہ
- مَا مَلَكَتْ اَيْمَانُهُنَّ ۚجس کے مالک ہوئے ان کے ہاتھ (کنیزیں)
- وَاتَّقِيْنَاور ڈرتی رہو
- اللّٰهَ ۭاللہ
- اِنَّ اللّٰهَبیشک اللہ
- كَانَہے
- عَلٰيپر
- كُلِّ شَيْءٍہر شے
- شَهِيْدًاگواہ (موجود)
Translation · Tadabbur-e-Quran
ان پر ان کے باپوں سے معاملے میں کوئی گناہ نہیں ہے اور ان کے بیٹوں کے بارے میں اور نہ ان کے بھائیوں کے بارے میں اور نہ ان کے بھتیجوں کے بارے میں اور نہ ان کے بھانجوں کے بارے میں اور نہ اپنے میل کی عورتوں کے بارے میں اور نہ ان کی لونڈیوں کے باب میں ہی اور اللہ سے ڈرتی رہو۔ بیشک اللہ ہر چیز پر حاضر و ناظر ہے۔
Tafseer · Tadabbur-e-Quran
لا جناح علیھن فی ابائھن ولا ابنائھن ولا اخوانھن ولا ابناء اخوانھن ولا ابناء اخواتھن ولا نسائھن ولا ماملکت ایمانھن واتقین اللہ ان اللہ کان علی کل شئی شھیدا (55)
یہ آیت اسی محل میں ہے جس محل میں سورة نور کی آیت 31 :’ ولا یبدین زینتھن الایۃ ‘ ہے۔ دونوں میں الفاظ بھی اکثر مشترک ہیں۔ اوپر والی آیت میں ازواجِ نبی ؓ کے گھروں میں دوسروں کے داخل ہونے پر جو پابندیاں عائد کی گئی ہیں۔ ان پابندیوں سے جو لوگ مسثنی ہیں یہ ان کی تفصیل ہے۔ خاص ہم رشتوں کا ذکر کردیا ہے اور مقصود یہ ہے کہ جو رشتہ دار ان کے حکم میں داخل ہیں وہ سب اس پابندی سے مستثنی ہیں۔ ان کے اوپر صرف وہی پابندیاں ہوگی گی۔ جو سورة نور میں مذکور ہوئی ہیں۔