تدبرِ قرآن

لا یسمعون الی الملا الاعلی ویقذفون من کل جانب۔ وحرورا ولھم عذاب واصب (8۔ 9) ’ لا یسمعون یہ نفی فعل، نفی فائدہ فعل کے پہلو سے ہے۔ یعنی شیاطین ملاء اعلیٰ کی باتیں سننے کی کوشش کرتے تو ہیں لیکن وہ کان لگانے پاتے نہیں۔ جب وہ یہ کرنا چاہتے ہیں تو ہر جانب سے ان پر سنگ باری ہوتی ہے۔ ’ دحور ‘ کے معنی دھتکارنے اور کھدیڑ کے ہیں اور ’ واصب ‘ کے معنی دائم کے۔ یعنی اس دنیا میں تو وہ اس طرح ملعون و مرجوم رہیں گے اور آخرت میں ان کے لئے ایک دائمی عذاب ہے۔