تدبرِ قرآن
Tadabbur-e-Quran · 43. Az-Zukhruf · Ayah 83
فَذَرْهُمْ یَخُوْضُوْا وَ یَلْعَبُوْا حَتّٰى یُلٰقُوْا یَوْمَهُمُ الَّذِیْ یُوْعَدُوْنَ﴿83﴾
- فَذَرْهُمْتو چھوڑ دو ان کو
- يَخُوْضُوْابحثیں کریں
- وَيَلْعَبُوْااور کھیلتے رہیں
- حَتّٰى يُلٰقُوْایہاں تک کہ وہ جاملیں
- يَوْمَهُمُاپنے دن سے
- الَّذِيْوہ جو
- يُوْعَدُوْنَوہ وعدہ کیے جاتے ہیں
Translation · Tadabbur-e-Quran
تو ان کو چھوڑو یہ بوالفضولی اور ہنسی مسخری کرلیں یہاں تک کہ وہ اس دن سے دوچار ہوں جس کی ان کو دھمکی دی جا رہی ہے۔
Tafseer · Tadabbur-e-Quran
فذرھم یخوضوا ویلعبوا حتی یلقوا یومھم الذی یوعدون 83
یعنی یہ فیصلہ کن چیلنج دے کر ان کو ان کے حال پر چھوڑ دو۔ جو باتیں یہ چاہیں بنا لیں اور جو ہنسی مسخری کرنی چاہیں کرلیں، یہاں تک کہ وہ دن ان کے سامنے آجائے جس کی ان کو دھمکی دی جا رہی ہے اس دن ان پر ساری حقیت کھل جائے گی کہ جن کو انہوں نے خدا کی اولاد بنا کر پوجا وہ ان کے کچھ کام آنے والے نہیں بنے۔