تدبرِ قرآن
Tadabbur-e-Quran · 67. Al-Mulk · Ayah 29
قُلْ هُوَ الرَّحْمٰنُ اٰمَنَّا بِهٖ وَ عَلَیْهِ تَوَكَّلْنَا١ۚ فَسَتَعْلَمُوْنَ مَنْ هُوَ فِیْ ضَلٰلٍ مُّبِیْنٍ﴿29﴾
- قُلْکہہ دیجئے
- هُوَوہی
- الرَّحْمٰنُرحمن
- اٰمَنَّا بِهٖایمان لائے ہم اس پر
- وَعَلَيْهِ تَوَكَّلْنَااور اسی پر توکل کیا ہم نے
- فَسَتَعْلَمُوْنَپس عنقریب تم جان لوگے
- مَنْ هُوَکون ہے وہ جو
- فِيْ ضَلٰلٍ مُّبِيْنٍکھلی گمراہی میں ہے
Translation · Tadabbur-e-Quran
کہہ دو رحمان ہے۔ ہم اس پر ایمان لائے ہیں اور اسی پر ہم نے بھروسہ کیا ہے تو تم عنقریب جان لوگے کہ کھلی ہوئی گمراہی میں کون ہے !
Tafseer · Tadabbur-e-Quran
یعنی ان لوگوں کو بتا دو کہ ہم اپنے مستقبل کے بارے میں کوئی دعویٰ نہیں کرتے کہ ہمارے ساتھ کیا معاملہ ہو گا۔ اس کا علم صرف اللہ تعالیٰ ہی کو ہے۔ البتہ یہ ضرور ہے کہ اللہ تعالیٰ رحمٰن و رحیم ہے، ہم اس پر ایمان لائے ہیں اور ہم نے اس پر بھروسہ کیا ہے اس کی وجہ سے ہمیں امید یہی ہے کہ ہمارے حال پر وہ رحم فرمائے گا۔ اس معاملے میں اگر تم جھگڑتے ہو تو انتظار کرو جلد تم جان لو گے کہ کھلی ہوئی گمراہی میں کون ہے؟ ہم کہ تم؟