تدبرِ قرآن
Tadabbur-e-Quran · 69. Al-Haaqqa · Ayah 13
فَاِذَا نُفِخَ فِی الصُّوْرِ نَفْخَةٌ وَّاحِدَةٌۙ﴿13﴾
- فَاِذَا نُفِخَپھر جب پھونک دیا جائے گا
- فِي الصُّوْرِصور میں
- نَفْخَةٌپھونکنا
- وَّاحِدَةٌایک ہی بار
Translation · Tadabbur-e-Quran
پس یاد رکھو جب کہ صور میں ایک ہی بار پھونک ماری جائے گی
Tafseer · Tadabbur-e-Quran
دنیا کے عذاب آخرت کے عذاب کی شہادت ہیں:
عذاب کے تاریخی واقعات کی طرف اشارہ کرنے کے بعد یہ ظہور قیامت کی طرف اشارہ فرمایا کہ جس طرح قوموں پر عذاب لانے کے لیے ہمیں کوئی خاص اہتمام نہیں کرنا پڑا بلکہ جب چاہا چشم زدن میں عذاب آ گیا اسی طرح قیامت کے لانے کے لیے بھی ہمیں کوئی تیاری نہیں کرنی پڑے گی۔ بلکہ صُور میں صرف ایک پھونک ماری جائے گی جس سے قیامت کی ہلچل برپا ہو جائے گی۔