تدبرِ قرآن
Tadabbur-e-Quran · 7. Al-A'raaf · Ayah 88
Tafseerقَالَ الْمَلَاُ الَّذِیْنَ اسْتَكْبَرُوْا مِنْ قَوْمِهٖ لَنُخْرِجَنَّكَ یٰشُعَیْبُ وَ الَّذِیْنَ اٰمَنُوْا مَعَكَ مِنْ قَرْیَتِنَاۤ اَوْ لَتَعُوْدُنَّ فِیْ مِلَّتِنَا١ؕ قَالَ اَوَ لَوْ كُنَّا كٰرِهِیْنَ۫﴿88﴾
- قَالَبولے
- الْمَلَاُسردار
- الَّذِيْنَوہ جو کہ
- اسْتَكْبَرُوْاتکبر کرتے تھے (بڑے بنتے تھے)
- مِنْسے
- قَوْمِهٖاس کی قوم
- لَنُخْرِجَنَّكَہم تجھے ضرور نکال دیں گے
- يٰشُعَيْبُاے شعیب
- وَالَّذِيْنَاور وہ جو
- اٰمَنُوْاایمان لائے
- مَعَكَتیرے ساتھ
- مِنْسے
- قَرْيَتِنَآہماری بستی
- اَوْ لَتَعُوْدُنَّیا یہ کہ تم لوٹ آؤ
- فِيْمیں
- مِلَّتِنَاہمارے دین
- قَالَاس نے کہا
- اَوَلَوْکیا خواہ
- كُنَّاہم ہوں
- كٰرِهِيْنَناپسند کرتے ہوں
Translation · Tadabbur-e-Quran
اور اس کی قوم کے بڑوں نے، جنہوں نے تکبر کیا، کہا کہ اے شعیب، ہم تم کو اور جو تمہارے ساتھ ایمان لائے ہیں ان کو اپنی بستی سے نکال کے رہیں گے یا تم ہماری ملت میں پھر آجاؤ۔ اس نے کہا کیا جب کہ ہم اس سے نفرت کرتے ہوں تب بھی !
Tafseer · Tadabbur-e-Quran
قَالَ الْمَلَاُ الَّذِيْنَ الایہ۔ یہ قوم کے مستکبرین کی طرف سے حضرت شعیب اور ان کے ساتھیوں کو آخری دھمکی ہے کہ یا تو تم ہماری ملت میں واپس آجاؤ ورنہ ہم تم کو اور تمہارے ساتھیوں کو اپنی بستی سے نکال چھوریں گے۔ اس پر حضرت شعیب ؑ نے فرایا اَوَلَوْ كُنَّا كٰرِهِيْنَ ، یعنی کیا تم اپنی ملت میں لوٹنے پر ہماری خواہش اور ارادہ کے علی الرغم ہمیں مجبور کرو گے ؟
حضرت شعیب ؑ کے اس ارشاد سے یہ بات صاف نمایاں ہے کہ انہوں نے وطن سے نکالے جانے کی دھمکی کو تو یک قلم نظر انداز کردیا لیکن ان کی دوسری دھمکی کا نوٹس لیا اور اس کا جواب بڑے واضح اور قطعی لفظوں میں دیا جس کی تفصیل آگے والی آیت میں ہے۔