تدبرِ قرآن

ہر ایک کے آگے اس کے اپنے اعمال پیش ہوں گے : ذٰلِكَ بِمَا قَدَّمَتْ اَيْدِيْكُمْ وَاَنَّ اللّٰهَ لَيْسَ بِظَلَّامٍ لِّلْعَبِيْدِ۔ یعنی ان کے سامنے یہ انہی کے ہاتھوں کی کرتوت رکھی جائے گی۔ جو بِس بھری فصل انہوں نے دنیا میں بوئی، سینچی اور پروان چڑھائی اسی کا حاصل ان کے سامنے آئے گا۔ اللہ تعالیٰ ان کے ساتھ کوئی ظلم و ناانصافی نہیں کرے گا۔ وہ اپنے بندوں کے ساتھ رتی بھر ظلم کا بھی روادار نہیں۔ اس کا قانون اور عدل بےلاگ ہے۔ ہر شخص جو کرے گا وہی بھرے گا۔