تفہیم القرآن
Tafheem-ul-Quran · 16. An-Nahl · Ayah 53
Tafseerوَ مَا بِكُمْ مِّنْ نِّعْمَةٍ فَمِنَ اللّٰهِ ثُمَّ اِذَا مَسَّكُمُ الضُّرُّ فَاِلَیْهِ تَجْئَرُوْنَۚ﴿53﴾
- وَمَااور جو
- بِكُمْتمہارے پاس
- مِّنْ نِّعْمَةٍکوئی نعمت
- فَمِنَ اللّٰهِاللہ کی طرف سے
- ثُمَّپھر
- اِذَاجب
- مَسَّكُمُتمہیں پہنچتی ہے
- الضُّرُّتکلیف
- فَاِلَيْهِتو اس کی طرف
- تَجْئَرُوْنَتم روتے (چلاتے) ہو
Translation · Tafheem-ul-Quran
تم کو جو نعمت بھی حاصل ہے اللہ ہی کی طرف سے ہے۔ پھر جب کوئی سخت وقت تم پر آتا ہے تو تم لوگ خود اپنی فریادیں لے کر اُسی کی طرف دوڑتے ہو۔46
Tafseer · Tafheem-ul-Quran
سورة النَّحْل 46
یعنی یہ توحید کی ایک صریح شہادت تمہارے اپنے نفس میں موجود ہے۔ سخت مصیبت کے وقت جب تمام من گھڑت تصورات کا زنگ ہٹ جاتا ہے تو تھوڑی دیر کے لیے تمہاری اصل فطرت ابھر آتی ہے جو اللہ کے سوا کسی الٰہ، کسی رب، اور کسی مالک ذی اختیار کو نہیں جانتی۔ (مزید تشریح کے لیے ملاحظہ ہو سورة انعام حواشی نمبر 29 و نمبر 41۔ یونس، 31)۔