تفہیم القرآن
Tafheem-ul-Quran · 16. An-Nahl · Ayah 83
Tafseerیَعْرِفُوْنَ نِعْمَتَ اللّٰهِ ثُمَّ یُنْكِرُوْنَهَا وَ اَكْثَرُهُمُ الْكٰفِرُوْنَ۠ع﴿83﴾
- يَعْرِفُوْنَوہ پہچانتے ہیں
- نِعْمَتَنعمت
- اللّٰهِاللہ
- ثُمَّپھر
- يُنْكِرُوْنَهَامنکر ہوجاتے ہیں اسکے
- وَاَكْثَرُهُمُاور ان کے اکثر
- الْكٰفِرُوْنَکافر (جمع) ناشکرے
Translation · Tafheem-ul-Quran
یہ اللہ کے احسان کے پہچانتے ہیں ، پھر اس کا انکار کرتے ہیں۔79 اور اِن میں بیش تر لوگ ایسے ہیں جو حق ماننے کے لیے تیار نہیں ہیں
Tafseer · Tafheem-ul-Quran
سورة النَّحْل 79
انکار سے مراد وہی طرز عمل ہے جس کا ہم پہلے ذکر کرچکے ہیں۔ کفار مکہ اس بات کے منکر نہ تھے کہ یہ سارے احسانات اللہ نے ان پر کیے ہیں، مگر ان کا عقیدہ یہ تھا کہ اللہ نے یہ احسانات ان کے بزرگوں اور دیوتاؤں کی مداخلت سے کیے ہیں، اور اسی بنا پر وہ ان احسانات کا شکریہ اللہ کے ساتھ، بلکہ کچھ اللہ سے بڑھ کر ان متوسط ہستیوں کو ادا کرتے تھے۔ اسی حرکت کو اللہ تعالیٰ انکار نعمت اور احسان فراموشی اور کفران سے تعبیر کرتا ہے۔