تفہیم القرآن
Tafheem-ul-Quran · 2. Al-Baqara · Ayah 63
Tafseerوَ اِذْ اَخَذْنَا مِیْثَاقَكُمْ وَ رَفَعْنَا فَوْقَكُمُ الطُّوْرَ١ؕ خُذُوْا مَاۤ اٰتَیْنٰكُمْ بِقُوَّةٍ وَّ اذْكُرُوْا مَا فِیْهِ لَعَلَّكُمْ تَتَّقُوْنَ﴿63﴾
- وَاِذْ اَخَذْنَااور جب ہم نے لیا
- مِیْثَاقَكُمْتم سے اقرار
- وَرَفَعْنَااور ہم نے اٹھایا
- فَوْقَكُمُتمہارے اوپر
- الطُّوْرَکوہ طور
- خُذُوْاپکڑو
- مَا آتَيْنَاكُمْجو ہم نے تمہیں دیا ہے
- بِقُوْةٍمضبوطی سے
- وَاذْكُرُوْااور یا درکھو
- مَا فِیْهِجو اس میں
- لَعَلَّكُمْتاکہ تم
- تَتَّقُوْنَپرہیزگار ہوجاؤ
Translation · Tafheem-ul-Quran
یاد کرو وہ وقت، جب ہم نے طور کو تم پر اُٹھاکرتم سے پُختہ عہد لیاتھا اور کہا81 تھاکہ ”جو کتاب ہم تمہیں دے رہے ہیں اُسے مضبوطی کے ساتھ تھامنااور جو احکام و ہدایات اس میں درج ہیں اُنہیں یاد رکھنا۔ اسی ذریعے سےتوقع کی جاسکتی ہےکہ تم تقوٰی کی روش پر چل سکو گے“
Tafseer · Tafheem-ul-Quran
سورة الْبَقَرَة 81
اس واقعے کو قرآن میں مختلف مقامات پر جس انداز سے بیان کیا گیا ہے اس سے یہ بات صاف ظاہر ہوتی ہے کہ اس وقت بنی اسرائیل میں یہ ایک مشہور و معرُوف واقعہ تھا۔ لیکن اب اس کی تفصیلی کیفیت معلوم کرنا مشکل ہے۔ بس مجملاً یوں سمجھنا چاہیے کہ پہاڑ کے دامن میں میثاق لیتے وقت ایسی خوفناک صورت حال پیدا کردی گئی تھی کہ ان کو ایسا معلوم ہوتا تھا کہ گویا پہاڑ ان پر آپڑے گا۔ ایسا ہی کچھ نقشہ سورة ٴ اعراف آیت 171 میں کھینچا گیا ہے۔ (ملاحظہ ہو سورة ٴ اعراف، 132)