تفہیم القرآن
Tafheem-ul-Quran · 21. Al-Anbiyaa · Ayah 7
وَ مَاۤ اَرْسَلْنَا قَبْلَكَ اِلَّا رِجَالًا نُّوْحِیْۤ اِلَیْهِمْ فَسْئَلُوْۤا اَهْلَ الذِّكْرِ اِنْ كُنْتُمْ لَا تَعْلَمُوْنَ﴿7﴾
- وَمَآاور نہیں
- اَرْسَلْنَاہم نے
- قَبْلَكَتم سے پہلے
- اِلَّامگر
- رِجَالًامرد
- نُّوْحِيْٓہم وحی بھیجتے تھے
- اِلَيْهِمْان کی طرف
- فَسْئَلُوْٓاپس پوچھ لو
- اَهْلَ الذِّكْرِیاد رکھنے والے
- اِنْمگر
- كُنْتُمْتم ہو
- لَا تَعْلَمُوْنَتم نہیں جانتے
Translation · Tafheem-ul-Quran
اور اے محمدؐ ، تم سے پہلے بھی ہم نے انسانوں ہی کو رسُول بنا کر بھیجا تھا جن پر ہم وحی کیا کرتے تھے۔ 9 تم لوگ اگر علم نہیں رکھتے تو اہلِ کتاب سے پوچھ لو۔ 10
Tafseer · Tafheem-ul-Quran
سورة الْاَنْبِیَآء 9
یہ جواب ہے ان کے اس قول کا کہ " یہ شخص تم جیسا ایک بشر ہی تو ہے " وہ نبی ﷺ کی بشریت کو اس بات کی دلیل قرار دیتے تھے کہ آپ نبی نہیں ہو سکتے۔ جواب دیا گیا کہ پہلے زمانے کے جن لوگوں کو تم خود مانتے ہو کہ وہ خدا کی طرف سے بھیجے گئے تھے، وہ سب بھی بشر ہی تھے اور بشر ہوتے ہوئے ہی خدا کی وحی سے سرفراز ہوئے تھے۔ (مزید تشریح کے لیے ملاحظہ ہو تفہیم القرآن جلد چہارم، یٰسین، حاشیہ 11)۔
سورة الْاَنْبِیَآء 10
یعنی یہ یہودی، جو آج اسلام کی دشمنی میں تمہارے ہم نوا ہیں اور تم کو مخالفت کے داؤ پیچ سکھایا کرتے ہیں، ان ہی سے پوچھ لو کہ موسیٰ اور دوسرے انبیاء بنی اسرائیل کون تھے۔ انسان ہی تھے یا کوئی اور مخلوق ؟