تفہیم القرآن
Tafheem-ul-Quran · 36. Yaseen · Ayah 71
اَوَ لَمْ یَرَوْا اَنَّا خَلَقْنَا لَهُمْ مِّمَّا عَمِلَتْ اَیْدِیْنَاۤ اَنْعَامًا فَهُمْ لَهَا مٰلِكُوْنَ﴿71﴾
- اَوَلَمْ يَرَوْایا کیا وہ نہیں دیکھتے ؟
- اَنَّا خَلَقْنَاہم نے پیدا کیا
- لَهُمْان کے لیے
- مِّمَّااس سے جو
- عَمِلَتْ اَيْدِيْنَآبنایا اپنے ہاتھوں (قدرت) سے
- اَنْعَامًاچوپائے
- فَهُمْپس وہ
- لَهَاان کے
- مٰلِكُوْنَمالک ہیں
Translation · Tafheem-ul-Quran
کیا یہ لوگ دیکھتے نہیں ہیں کہ ہم نے اپنے ہاتھوں کی بنائی ہوئی چیزوں 60 میں سے اِن کے لیے مویشی پیدا کیے اور اب یہ ان کےمالک ہیں
Tafseer · Tafheem-ul-Quran
سورة یٰسٓ 60
" ہاتھوں " کا لفظ اللہ تعالیٰ کے لیے بطور استعارہ استعمال ہوا ہے۔ اس کے یہ معنی نہیں ہیں کہ معاذاللہ وہ ذات پاک جسم رکھتی ہے اور انسانوں کی طرح ہاتھوں سے کام کرتی ہے۔ بلکہ اس سے یہ احساس دلانا مقصود ہے کہ ان چیزوں کو اللہ تعالیٰ نے خود بنایا ہے، ان کی تخلیق میں کسی دوسرے کا ذرہ برابر دخل نہیں ہے۔