تفہیم القرآن
Tafheem-ul-Quran · 4. An-Nisaa · Ayah 162
لٰكِنِ الرّٰسِخُوْنَ فِی الْعِلْمِ مِنْهُمْ وَ الْمُؤْمِنُوْنَ یُؤْمِنُوْنَ بِمَاۤ اُنْزِلَ اِلَیْكَ وَ مَاۤ اُنْزِلَ مِنْ قَبْلِكَ وَ الْمُقِیْمِیْنَ الصَّلٰوةَ وَ الْمُؤْتُوْنَ الزَّكٰوةَ وَ الْمُؤْمِنُوْنَ بِاللّٰهِ وَ الْیَوْمِ الْاٰخِرِ١ؕ اُولٰٓئِكَ سَنُؤْتِیْهِمْ اَجْرًا عَظِیْمًا۠ع﴿162﴾
- لٰكِنِلیکن
- الرّٰسِخُوْنَپختہ (جمع)
- فِي الْعِلْمِعلم میں
- مِنْهُمْان میں سے
- وَاور
- الْمُؤْمِنُوْنَمومن (جمع)
- يُؤْمِنُوْنَوہ مانتے ہیں
- بِمَآجو
- اُنْزِلَنازل کیا گیا
- اِلَيْكَآپ کی طرف
- وَمَآاور جو
- اُنْزِلَنازل کیا گیا
- مِنْ قَبْلِكَآپ سے پہلے
- وَالْمُقِيْمِيْنَاور قائم رکھنے والے
- الصَّلٰوةَنماز
- وَالْمُؤْتُوْنَاور ادا کرنے والے
- الزَّكٰوةَزکوۃ
- وَالْمُؤْمِنُوْنَاور ایمان لانے والے
- بِاللّٰهِاللہ پر
- وَاور
- الْيَوْمِ الْاٰخِرِآخرت کا دن
- اُولٰٓئِكَیہی لوگ
- سَنُؤْتِيْهِمْہم ضرور دیں گے انہیں
- اَجْرًا عَظِيْمًااجر بڑا
Translation · Tafheem-ul-Quran
مگر ان میں جو لوگ پختہ علم رکھنے والے ہیں اور ایماندار ہیں وہ سب اس تعلیم پر ایمان لاتے ہیں جو تمہاری طرف نازل کی گئی ہے اور جو تم سے پہلے نازل کی گئی تھی۔ 203اس طرح کے ایمان لانے والے اور نماز و زکوٰة کی پابندی کرنے والے اور اللہ اور روز آخرت پر سچّا عقیدہ رکھنے والے لوگوں کو ہم ضرور اجر عظیم عطا کریں گے
Tafseer · Tafheem-ul-Quran
سورة النِّسَآء 203
یعنی ان میں سے جو لوگ کتب آسمانی کی حقیقی تعلیم سے واقف ہیں اور ہر قسم کے تعصب، جاہلانہ ضد، آبائی تقلید اور نفس کی بندگی سے آزاد ہو کر اس امر حق کو سچے دل سے مانتے ہیں جس کا ثبوت آسمانی کتابوں سے ملتا ہے، ان کی روش کافر و ظالم یہودیوں کی عام روش سے بالکل مختلف ہے۔ ان کو بیک نظر محسوس ہوجاتا ہے کہ جس دین کی تعلیم پچھلے انبیاء نے دی تھی اسی کی تعلیم قرآن دے رہا ہے، اس لیے وہ بےلاگ حق پرستی کے ساتھ دونوں پر ایمان لے آتے ہیں۔