تفہیم القرآن
Tafheem-ul-Quran · 40. Al-Ghaafir · Ayah 62
ذٰلِكُمُ اللّٰهُ رَبُّكُمْ خَالِقُ كُلِّ شَیْءٍ١ۘ لَاۤ اِلٰهَ اِلَّا هُوَ١ۚ٘ فَاَنّٰى تُؤْفَكُوْنَ﴿62﴾
- ذٰلِكُمُ اللّٰهُیہ ہے اللہ
- رَبُّكُمْتمہارا پروردگار
- خَالِقُپیدا کرنیوالا
- كُلِّ شَيْءٍ ۘہر شے
- لَآ اِلٰهَنہیں کوئی معبود
- اِلَّا هُوَ ٥اس کے سوا
- فَاَنّٰى تُؤْفَكُوْنَتو کہاں تم الٹے پھرے جاتے ہو
Translation · Tafheem-ul-Quran
وہی اللہ (جس نے تمہارے لیے یہ کچھ کیا ہے)تمہارا ربّ ہے۔ ہر چیز کا خالق۔ اس کے سوا کوئی معبُود نہیں ہے۔ 86پھر تم کدھر سے بہکائے جارہے ہو؟87
Tafseer · Tafheem-ul-Quran
سورة الْمُؤْمِن 86
یعنی رات اور دن کے الٹ پھیر نے ثابت کیا کہ وہی تمہارا اور ہر چیز کا خالق ہے۔ اور یہ الٹ پھیر تمہاری زندگی کے لیے جو عظیم فوائد و منافع اپنے اندر رکھتا ہے اس سے ثابت ہوا کہ وہ تمہارا نہایت مہربان پروردگار ہے۔ اس کے بعد لامحالہ یہ بات خود بخود ثابت ہوجاتی ہے کہ تمہارا حقیقی معبود بھی وہی ہے۔ یہ بات سراسر عقل اور انصاف کے خلاف ہے کہ خالق اور پروردگار تو ہو اللہ، اور تمہارے معبود بن جائیں دوسرے۔
سورة الْمُؤْمِن 87
یعنی کون تم کو یہ الٹی پٹی پڑھا رہا ہے کہ جو نہ خالق ہیں نہ پروردگار وہ تمہاری عبادت کے مستحق ہیں۔