تفہیم القرآن
Tafheem-ul-Quran · 5. Al-Maaida · Ayah 53
Tafseerوَ یَقُوْلُ الَّذِیْنَ اٰمَنُوْۤا اَهٰۤؤُلَآءِ الَّذِیْنَ اَقْسَمُوْا بِاللّٰهِ جَهْدَ اَیْمَانِهِمْ١ۙ اِنَّهُمْ لَمَعَكُمْ١ؕ حَبِطَتْ اَعْمَالُهُمْ فَاَصْبَحُوْا خٰسِرِیْنَ﴿53﴾
- وَيَقُوْلُاور کہتے ہیں
- الَّذِيْنَ اٰمَنُوْٓاجو لوگ ایمان لائے (مومن)
- اَهٰٓؤُلَآءِکیا یہ وہی ہیں
- الَّذِيْنَجو لوگ
- اَقْسَمُوْاقسمیں کھاتے تھے
- بِاللّٰهِاللہ کی
- جَهْدَپکی
- اَيْمَانِهِمْاپنی قسمیں
- اِنَّهُمْکہ وہ
- لَمَعَكُمْتمہارے ساتھ
- حَبِطَتْاکارت گئے
- اَعْمَالُهُمْان کے عمل
- فَاَصْبَحُوْاپس رہ گئے
- خٰسِرِيْنَنقصان اٹھانے والے
Translation · Tafheem-ul-Quran
اور اُس وقت اہل ایمان کہیں گے ”کیا یہ وہی لوگ ہیں جو اللہ کے نام سے کڑی کڑی قسمیں کھاکر یقین دلاتے تھے کہ ہم تمہارے ساتھ ہیں“؟۔۔۔۔ان کے سب اعمال ضائع ہوگئے اور آخر کار یہ ناکام ہ نامراد ہوکر رہے۔86
Tafseer · Tafheem-ul-Quran
سورة الْمَآىِٕدَة 86
یعنی جو کچھ انہوں نے اسلام کی پیروی میں کیا، نمازیں پڑھیں، روزے رکھے، زکوٰۃ دی، جہاد میں شریک ہوئے، قوانین اسلام کی اطاعت کی، یہ سب کچھ اس بنا پر ضائع ہوگیا کہ ان کے دلوں میں اسلام کے لیے خلوص نہ تھا اور وہ سب سے کٹ کر صرف ایک خدا کے ہو کر نہ رہ گئے تھے بلکہ اپنی دنیا کی خاطر انہوں نے اپنے آپ کو خدا اور اس کے باغیوں کے درمیان آدھا آدھا بانٹ رکھا تھا۔