تفہیم القرآن
Tafheem-ul-Quran · 6. Al-An'aam · Ayah 20
Tafseerاَلَّذِیْنَ اٰتَیْنٰهُمُ الْكِتٰبَ یَعْرِفُوْنَهٗ كَمَا یَعْرِفُوْنَ اَبْنَآءَهُمْ١ۘ اَلَّذِیْنَ خَسِرُوْۤا اَنْفُسَهُمْ فَهُمْ لَا یُؤْمِنُوْنَ۠ع﴿20﴾
- اَلَّذِيْنَوہ جنہیں
- اٰتَيْنٰهُمُہم نے دی انہیں
- الْكِتٰبَکتاب
- يَعْرِفُوْنَهٗوہ اس کو پہچانتے ہیں
- كَمَاجیسے
- يَعْرِفُوْنَوہ پہچانتے ہیں
- اَبْنَآءَهُمْاپنے بیٹے
- اَلَّذِيْنَوہ جنہوں نے
- خَسِرُوْٓاخسارہ میں ڈالا
- اَنْفُسَهُمْاپنے آپ
- فَهُمْسو وہ
- لَا يُؤْمِنُوْنَایمان نہیں لاتے
Translation · Tafheem-ul-Quran
جن لوگوں کو ہم نے کتاب دی ہے وہ اس بات کو اس طرح غیر مشتبہ طور پر پہچانتے ہیں جیسے ان کو اپنے بیٹوں کے پہچاننے میں کوئی اشتباہ پیش نہیں آتا۔14 مگر جنہوں نے اپنے آپ کو خود خسارے میں ڈال دیا ہے وہ اِسے نہیں مانتے
Tafseer · Tafheem-ul-Quran
سورة الْاَنْعَام 14
یعنی کتب آسمانی کا علم رکھنے والے اس حقیقت کو غیر مشتبہ طور پر پہچانتے ہیں کہ خدا ایک ہی ہے اور خدائی میں کسی کا کچھ حصہ نہیں ہے۔ جس طرح کسی کا بچہ بہت سے بچوں میں ملا جلا کھڑا ہو تو وہ الگ پہچان لے گا کہ اس کا بچہ کونسا ہے، اسی طرح جو شخص کتاب الہٰی کا علم رکھتا ہو وہ الوہیت کے متعلق لوگوں کے بیشمار مختلف عقیدوں اور نظریوں کے درمیان بلا کسی شک و اشتباہ کے یہ پہچان لیتا ہے کہ ان میں سے امر حق کونسا ہے۔