تفہیم القرآن
Tafheem-ul-Quran · 7. Al-A'raaf · Ayah 102
Tafseerوَ مَا وَجَدْنَا لِاَكْثَرِهِمْ مِّنْ عَهْدٍ١ۚ وَ اِنْ وَّجَدْنَاۤ اَكْثَرَهُمْ لَفٰسِقِیْنَ﴿102﴾
- وَاور
- مَا وَجَدْنَاہم نے نہ پایا
- لِاَكْثَرِهِمْان کے اکثر میں
- مِّنْ عَهْدٍعہد کا پاس
- وَاِنْاور درحقیقت
- وَّجَدْنَآہم نے پائے
- اَكْثَرَهُمْان میں اکثر
- لَفٰسِقِيْنَنافرمان۔ بدکردار
Translation · Tafheem-ul-Quran
ہم ان میں سے اکثر میں کوئی پاس ِ عہد نہ پایا بلکہ اکثر کو فاسق ہی پایا۔82
Tafseer · Tafheem-ul-Quran
سورة الْاَعْرَاف 82
”کوئی پاس عہد نہ پایا“ یعنی کسی قسم کے عہد کا پاس بھی نہ پایا، نہ اس فطری عہد کا پاس جس میں پیدائشی طور پر ہر انسان خدا کا بندہ اور پروردہ ہونے کی حیثیّت سے بندھا ہوا ہے، نہ اس اجتماعی عہد کا پاس جس میں ہر فرد بشر انسانی برادری کا ایک رکن ہونے کی حیثیّت سے بندھا ہوا ہے، اور نہ اس ذاتی عہد کا پاس جو آدمی اپنی مصیبت اور پریشانی کے لمحوں میں یا کسی جذبہ خیر کے موقع پر خدا سے بطور خود باندھا کرتا ہے۔ انہی تینوں عہدوں کے توڑنے کو یہاں فسق قرار دیا گیا ہے۔