تفہیم القرآن
Tafheem-ul-Quran · 7. Al-A'raaf · Ayah 105
Tafseerحَقِیْقٌ عَلٰۤى اَنْ لَّاۤ اَقُوْلَ عَلَى اللّٰهِ اِلَّا الْحَقَّ١ؕ قَدْ جِئْتُكُمْ بِبَیِّنَةٍ مِّنْ رَّبِّكُمْ فَاَرْسِلْ مَعِیَ بَنِیْۤ اِسْرَآءِیْلَؕ﴿105﴾
- حَقِيْقٌشایان
- عَلٰٓيپر
- اَنْکہ
- لَّآ اَقُوْلَمیں نہ کہوں
- عَلَيپر
- اللّٰهِاللہ
- اِلَّا الْحَقَّمگر حق
- قَدْ جِئْتُكُمْ بِبَيِّنَةٍتحقیق تمہارے پاس لایا ہوں نشانیاں
- مِّنْسے
- رَّبِّكُمْتمہارا رب
- فَاَرْسِلْپس بھیج دے
- مَعِيَمیرے ساتھ
- بَنِيْٓ اِ سْرَآءِيْلَبنی اسرائیل
Translation · Tafheem-ul-Quran
میرا منصب یہی ہے کہ اللہ کا نام لے کر کوئی بات حق کے سوا نہ کہوں، میں تم لوگوں کے پاس تمہارے ربّ کی طرف سے صریح دلیلِ ماموریّت لے کر آیا ہوں، لہٰذا تُو بنی اسرائیل کو میرے ساتھ بھیج دے۔“ 86
Tafseer · Tafheem-ul-Quran
سورة الْاَعْرَاف 86
حضرت موسیٰ ؑ دو چیزوں کی دعوت لے کر فرعون کے پاس بھیجے گئے تھے۔ ایک یہ کہ وہ اللہ کی بندگی (اسلام) قبول کرے، دوسرے یہ کہ بنی اسرائیل کی قوم کو جو پہلے سے مسلمان تھی اپنے پنجہ ظلم سے رہا کر دے۔ قرآن میں ان دونوں دعوتوں کا کہیں یکجا ذکر کیا گیا ہے اور کہیں موقع و محل کے لحاظ سے صرف ایک ہی کے بیان پر اکتفا کیا گیا ہے۔