تفہیم القرآن
Tafheem-ul-Quran · 7. Al-A'raaf · Ayah 133
Tafseerفَاَرْسَلْنَا عَلَیْهِمُ الطُّوْفَانَ وَ الْجَرَادَ وَ الْقُمَّلَ وَ الضَّفَادِعَ وَ الدَّمَ اٰیٰتٍ مُّفَصَّلٰتٍ١۫ فَاسْتَكْبَرُوْا وَ كَانُوْا قَوْمًا مُّجْرِمِیْنَ﴿133﴾
- فَاَرْسَلْنَاپھر ہم نے بھیجے
- عَلَيْهِمُان پر
- الطُّوْفَانَطوفان
- وَالْجَرَادَاور ٹڈی
- وَالْقُمَّلَاور جوئیں۔ چچڑی
- وَالضَّفَادِعَاور مینڈک
- وَالدَّمَاور خون
- اٰيٰتٍنشانیاں
- مُّفَصَّلٰتٍجدا جدا
- فَاسْتَكْبَرُوْاتو انہوں نے تکبر کیا
- وَكَانُوْااور وہ تھے
- قَوْمًاایک قوم (لوگ)
- مُّجْرِمِيْنَمجرم (جمع)
Translation · Tafheem-ul-Quran
آخرِ کارہم نے ان پر طوفان بھیجا95، ٹِڈی دل چھوڑے، سُرسُریاں پھیلائیں96، مینڈک نکالے، اور خون برسایا، یہ سب نشانیاں الگ الگ کر کے دکھائیں، مگر وہ سرکشی کیے چلے گئےاور بڑے ہی مجرم لوگ تھے
Tafseer · Tafheem-ul-Quran
سورة الْاَعْرَاف 95
غالباً بارش کا طوفان مراد ہے جس میں اولے بھی برسے تھے۔ اگرچہ طوفان دوسری چیزوں کا بھی ہوسکتا ہے، لیکن بائیبل میں ژالہ باری کے طوفان کا ہی ذکر ہے اس لیے ہم اسی معنی کو ترحیح دیتے ہیں۔
سورة الْاَعْرَاف 96
اصل میں لفظ قُمَّل استعمال ہوا ہے جس کے کئی معنی ہیں۔ جُوں مکھی، چھوٹی ٹڈی، مچھر، سُرسُری وغیرہ غالباً یہ جامع لفظ اس لیے استعمال کیا گیا ہے کہ بیک وقت جُوؤں اور مچھروں نے آدمیوں پر اور سرسریوں (گُھن کے کیڑوں) نے غلہ کے ذخیروں پر حملہ کیا ہوگا۔ (تقابل کے لیے ملاحظہ ہو بائیبل کی کتاب خروج، باب 7 تا 12، نیز الزخرُف، حاشیہ 43)۔