Anwar-ul-Bayan - Al-Ankaboot : 15
وَ لَقَدْ اَرْسَلْنَا نُوْحًا اِلٰى قَوْمِهٖ فَلَبِثَ فِیْهِمْ اَلْفَ سَنَةٍ اِلَّا خَمْسِیْنَ عَامًا١ؕ فَاَخَذَهُمُ الطُّوْفَانُ وَ هُمْ ظٰلِمُوْنَ
وَلَقَدْ اَرْسَلْنَا : اور بیشک ہم نے بھیجا نُوْحًا : نوح کو اِلٰى قَوْمِهٖ : اس کی قوم کی طرف فَلَبِثَ : تو وہ رہے فِيْهِمْ : ان میں اَلْفَ سَنَةٍ : ہزار سال اِلَّا : مگر (کم) خَمْسِيْنَ : پچاس عَامًا : سال فَاَخَذَهُمُ : پھر انہیں آپکڑا الطُّوْفَانُ : طوفان وَهُمْ : اور وہ ظٰلِمُوْنَ : ظالم تھے
اور (دیکھو، ) ہم نے نوح کو اس کی قوم کی طرف (پیغمبر بنا کر) بھیجا اور وہ پچاس کم ایک ہزار برس ان لوگوں میں رہا۔ پھر (آخرکار) ان کو طوفان نے آلیا اور وہ بڑے ظالم لوگ تھے۔
[8] یہاں سے آیت 40 تک پیغمبروں کے قصے بیان کئے گئے ہیں جن سے مقصود ان باتوں کو ذہن نشین کرانا ہے جو سورت کی ابتدائی آیتوں میں بیان کی گئی ہیں جہاں ایک طرف ایمان والوں سے یہ فرمایا گیا کہ ہم نے تم سے پہلے بھی اہل ایمان کو آزمائشوں میں ڈالا تھا اور دوسری طرف کفار سے فرمایا گیا ہے کہ تم اس غلط فہمی میں نہ رہنا کہ تم ہم سے بازی لے جاؤ گے اور ہماری پکڑ سے بچ نکلو گے۔
Top