آسان قرآن
Aasan Quran · 25. Al-Furqaan · Ayah 4
وَ قَالَ الَّذِیْنَ كَفَرُوْۤا اِنْ هٰذَاۤ اِلَّاۤ اِفْكُ اِ۟فْتَرٰىهُ وَ اَعَانَهٗ عَلَیْهِ قَوْمٌ اٰخَرُوْنَ١ۛۚ فَقَدْ جَآءُوْ ظُلْمًا وَّ زُوْرًاۚۛ﴿4﴾
- وَقَالَاور کہا
- الَّذِيْنَ كَفَرُوْٓاوہ لوگ جنہوں نے کفر کیا (کافر)
- اِنْ ھٰذَآنہیں یہ
- اِلَّآمگر۔ صرف
- اِفْكُبہتان۔ من گھڑت
- افْتَرٰىهُاس نے سے گھڑ لیا
- وَاَعَانَهٗور اس کی مدد کی
- عَلَيْهِاس پر
- قَوْمٌ اٰخَرُوْنَدوسرے لوگ (جمع)
- فَقَدْ جَآءُوْتحقیق وہ آگئے
- ظُلْمًاظلم
- وَّزُوْرًااور جھوٹ
Translation · Aasan Quran
اور جن لوگوں نے کفر اپنا لیا ہے، وہ کہتے ہیں کہ : یہ (قرآن) تو کچھ بھی نہیں، بس ایک من گھڑت چیز ہے جو اس شخص نے گھڑ لی ہے، اور اس کام میں کچھ اور لوگ بھی اس کے مددگار بنے ہیں۔ (1) اس طرح (یہ بات کہہ کر) یہ لوگ بڑے ظلم اور کھلے جھوٹ پر اتر آئے ہیں۔
Tafseer · Aasan Quran
1: مکہ کے بعض کافروں نے یہ الزام لگایا تھا کہ آنحضرت ﷺ نے پچھلے انبیائے کرام کے واقعات کچھ یہودیوں سے سیکھ لیے ہیں، اور وہی واقعات لکھوا کر (معاذ اللہ) یہ قرآن بنا لیا ہے، حالانکہ جن یہودیوں کا وہ ذکر کرتے تھے، وہ اسلام لا چکے تھے۔ اگر آپ (معاذ اللہ) انہی سے سیکھ کر اس کلام الٰہی ہونے کا غلط دعوی کر رہے تھے تو یہ حقیقت سب سے پہلے ان یہودیوں پر ظاہر ہوتی، پھر وہ آپ کو اللہ تعالیٰ کا سچا پیغمبر مان کر آپ پر ایمان ہی کیوں لاتے ؟