آسان قرآن
Aasan Quran · 25. Al-Furqaan · Ayah 53
وَ هُوَ الَّذِیْ مَرَجَ الْبَحْرَیْنِ هٰذَا عَذْبٌ فُرَاتٌ وَّ هٰذَا مِلْحٌ اُجَاجٌ١ۚ وَ جَعَلَ بَیْنَهُمَا بَرْزَخًا وَّ حِجْرًا مَّحْجُوْرًا﴿53﴾
- وَهُوَاور وہی
- الَّذِيْجس نے
- مَرَجَملایا
- الْبَحْرَيْنِدو دریا
- ھٰذَایہ
- عَذْبٌشیریں
- فُرَاتٌخوشگوار
- وَّھٰذَااور یہ
- مِلْحٌ اُجَاجٌتلخ بدمزہ
- وَجَعَلَاور اس نے بنایا
- بَيْنَهُمَاان دونوں کے درمیان
- بَرْزَخًاایک پردہ
- وَّحِجْرًااور آڑ
- مَّحْجُوْرًامضبوط آڑ
Translation · Aasan Quran
اور وہی ہے جس نے دریاؤں کو اس طرح ملا کر چلایا ہے کہ ایک میٹھا ہے جس سے تسکین ملتی ہے، اور ایک نمکین ہے، سخت کڑوا۔ اور ان دونوں کے درمیان ایک آڑ اور ایسی رکاوٹ حائل کردی ہے جس کو (دونوں میں سے) کوئی عبور نہیں کرسکتا۔ (18)
Tafseer · Aasan Quran
18: دریاؤں اور سمندروں کے سنگھم پر یہ نظارہ ہر شخص دیکھ سکتا ہے کہ دو الگ الگ قسم کے پانی ساتھ ساتھ چلتے ہیں ؛ لیکن ایک دوسرے میں گڈ مڈ نہیں ہوتے، بلکہ دور تک ان کی خصوصیات الگ الگ دیکھی اور محسوس کی جاسکتی ہیں، یہی وہ عجیب و غریب آڑ ہے جو دونوں کو ایک دوسرے کی سرحد عبور کرنے نہیں دیتی۔