آسان قرآن
Aasan Quran · 34. Saba · Ayah 33
وَ قَالَ الَّذِیْنَ اسْتُضْعِفُوْا لِلَّذِیْنَ اسْتَكْبَرُوْا بَلْ مَكْرُ الَّیْلِ وَ النَّهَارِ اِذْ تَاْمُرُوْنَنَاۤ اَنْ نَّكْفُرَ بِاللّٰهِ وَ نَجْعَلَ لَهٗۤ اَنْدَادًا١ؕ وَ اَسَرُّوا النَّدَامَةَ لَمَّا رَاَوُا الْعَذَابَ١ؕ وَ جَعَلْنَا الْاَغْلٰلَ فِیْۤ اَعْنَاقِ الَّذِیْنَ كَفَرُوْا١ؕ هَلْ یُجْزَوْنَ اِلَّا مَا كَانُوْا یَعْمَلُوْنَ﴿33﴾
- وَقَالَاور کہیں گے
- الَّذِيْنَوہ لوگ جو
- اسْتُضْعِفُوْاکمزور کیے گئے (ناتوان)
- لِلَّذِيْنَ اسْتَكْبَرُوْاان لوگوں سے جو تکبر کرتے تھے (بڑے)
- بَلْبلکہ
- مَكْرُچال
- الَّيْلِ وَالنَّهَارِرات اور دن
- اِذْ تَاْمُرُوْنَنَآجب تم حکم دیتے تھے ہمیں
- اَنْ نَّكْفُرَکہ ہم انکار کریں
- بِاللّٰهِاللہ کا
- وَنَجْعَلَاور ہم ٹھہرائیں
- لَهٗٓاس کے لیے
- اَنْدَادًا ۭشریک (جمع)
- وَاَسَرُّوااور وہ چھپائیں گے
- النَّدَامَةَشرمندگی
- لَمَّا رَاَوُاجب وہ دیکھیں گے
- الْعَذَابَ ۭعذاب
- وَجَعَلْنَااور ہم ڈالیں گے
- الْاَغْلٰلَطوق
- فِيْٓ اَعْنَاقِگردنوں میں
- الَّذِيْنَ كَفَرُوْا ۭجن لوگوں نے کفر کیا (کافر)
- هَلْ يُجْزَوْنَوہ سزا نہ دیے جائیں گے
- اِلَّامگر
- مَاجو
- كَانُوْا يَعْمَلُوْنَوہ کرتے تھے
Translation · Aasan Quran
اور جنہیں کمزور سمجھا گیا تھا وہ ان سے کہیں گے جو بڑے بنے ہوئے تھے کہ : نہیں، یہ تمہاری رات دن کی مکاری ہی تو تھی (جس نے ہمیں روکا تھا) جب تم ہمیں تاکید کرتے تھے کہ ہم اللہ سے کفر کا معاملہ کریں، اور اس کے ساتھ (دوسروں کو) شریک مانیں۔ اور یہ سب جب عذاب کو دیکھ لیں گے تو اپنا پچھتاوا چھپا رہے ہوں گے۔ (17) اور جن جن لوگوں نے کفر اختیار کیا تھا ہم ان سب کے گلوں میں طوق ڈال دیں گے۔ ان کو کسی اور بات کا نہیں، انہی اعمال کا بدلہ دیا جائے گا جو وہ کیا کرتے تھے۔
Tafseer · Aasan Quran
17: یعنی ظاہر میں تو ایک دوسرے کو الزام دے رہے ہوں گے، لیکن دل میں سمجھتے ہوں گے کہ در اصل جرم میں ہم سب شریک ہیں، اس لیے دل ہی دل میں پچھتا رہے ہوں گے۔