آسان قرآن
Aasan Quran · 38. Saad · Ayah 17
اِصْبِرْ عَلٰى مَا یَقُوْلُوْنَ وَ اذْكُرْ عَبْدَنَا دَاوٗدَ ذَا الْاَیْدِ١ۚ اِنَّهٗۤ اَوَّابٌ﴿17﴾
- اِصْبِرْآپ صبر کریں
- عَلٰياس پر
- مَا يَقُوْلُوْنَجو وہ کہتے ہیں
- وَاذْكُرْاور یاد کریں
- عَبْدَنَاہمارے بندے
- دَاوٗدَداؤد
- ذَا الْاَيْدِ ۚقوت والا
- اِنَّهٗٓبیشک وہ
- اَوَّابٌخوب رجوع کرنے والا
Translation · Aasan Quran
(اے پیغمبر) یہ جو کچھ کہتے ہیں اس پر صبر کرو، اور ہمارے بندے داؤد ؑ کو یاد کرو جو بڑے طاقتور تھے۔ (9) وہ بیشک اللہ سے بہت لو لگائے ہوئے تھے۔
Tafseer · Aasan Quran
9: سورت کے شروع میں کافروں کی وہ باتیں ذکر کر کے ان پر تردید فرمائی گئی تھی جن سے حضور اقدس ﷺ کو رنج ہوا کرتا تھا۔ اب یہاں سے یہ فرمایا جا رہا ہے کہ ان کی بےہودہ باتوں پر صبر کر کے آپ اپنے کام میں لگے رہئے، اور اسی سلسلے میں کچھ پچھلے انبیائے کرام کے واقعات بیان فرمائے جا رہے ہیں جن سے آنحضرت ﷺ کو تسلی ہو۔ ان میں سے پہلا تذکرہ حضرت داؤد ؑ کا ہے۔