آسان قرآن
Aasan Quran · 41. Fussilat · Ayah 34
وَ لَا تَسْتَوِی الْحَسَنَةُ وَ لَا السَّیِّئَةُ١ؕ اِدْفَعْ بِالَّتِیْ هِیَ اَحْسَنُ فَاِذَا الَّذِیْ بَیْنَكَ وَ بَیْنَهٗ عَدَاوَةٌ كَاَنَّهٗ وَلِیٌّ حَمِیْمٌ﴿34﴾
- وَلَا تَسْتَوِياور برابر نہیں ہوتی
- الْحَسَنَةُنیکی
- وَلَا السَّيِّئَةُ ۭاور نہ بُرائی
- اِدْفَعْدور کردیں
- بِالَّتِيْاس سے جو
- هِىَ اَحْسَنُوہ بہترین
- فَاِذَا الَّذِيْتو یکایک وہ جو شخص
- بَيْنَكَآپ کے درمیان
- وَبَيْنَهٗاور اس کے درمیان
- عَدَاوَةٌعداوت
- كَاَنَّهٗ وَلِيٌّگویا کہ وہ دوست
- حَمِيْمٌقرابتی (جگری)
Translation · Aasan Quran
اور نیکی اور بدی برابر نہیں ہوتی، تم بدی کا دفاع ایسے طریقے سے کرو جو بہترین ہو (14) نتیجہ یہ ہوگا کہ جس کے اور تمہارے درمیان دشمنی تھی، وہ دیکھتے ہی دیکھتے ایسا ہوجائے گا جیسے وہ (تمہارا) جگری دوست ہو
Tafseer · Aasan Quran
14:۔ یعنی جو شخص تمہارے ساتھ برا سلوک کر رہا ہو، اگرچہ تمہارے لیے یہ بھی جائز ہے کہ اس سے برابر کا بدلہ لے لو، لیکن بہتر یہ ہے کہ اس کی برائی کا بدلہ اچھائی سے دو۔ ایسا کرو گے تو تمہارا دشمن بھی دوست بن جائے گا، اور تم نے اس کی برائی پر جو صبر کیا اس کا بہترین ثواب آخرت میں تمہیں ملے گا۔