آسان قرآن
Aasan Quran · 6. Al-An'aam · Ayah 148
سَیَقُوْلُ الَّذِیْنَ اَشْرَكُوْا لَوْ شَآءَ اللّٰهُ مَاۤ اَشْرَكْنَا وَ لَاۤ اٰبَآؤُنَا وَ لَا حَرَّمْنَا مِنْ شَیْءٍ١ؕ كَذٰلِكَ كَذَّبَ الَّذِیْنَ مِنْ قَبْلِهِمْ حَتّٰى ذَاقُوْا بَاْسَنَا١ؕ قُلْ هَلْ عِنْدَكُمْ مِّنْ عِلْمٍ فَتُخْرِجُوْهُ لَنَا١ؕ اِنْ تَتَّبِعُوْنَ اِلَّا الظَّنَّ وَ اِنْ اَنْتُمْ اِلَّا تَخْرُصُوْنَ﴿148﴾
- سَيَقُوْلُجلد کہیں گے
- الَّذِيْنَ اَشْرَكُوْاجن لوگوں نے شرک کیا (مشرک)
- لَوْاگر
- شَآءَ اللّٰهُچاہتا اللہ
- مَآ اَشْرَكْنَاہم شرک نہ کرتے
- وَلَآاور نہ
- اٰبَآؤُنَاہمارے باپ دادا
- وَلَااور نہ
- حَرَّمْنَاہم حرام ٹھہراتے
- مِنْ شَيْءٍکوئی چیز
- كَذٰلِكَاسی طرح
- كَذَّبَجھٹلایا
- الَّذِيْنَجو لوگ
- مِنْ قَبْلِهِمْان سے پہلے
- حَتّٰيیہاں تک کہ
- ذَاقُوْاانہوں نے چکھا
- بَاْسَنَاہمارا عذاب
- قُلْفرمادیجئے
- هَلْکیا
- عِنْدَكُمْتمہارے پاس
- مِّنْ عِلْمٍکوئی علم (یقینی بات)
- فَتُخْرِجُوْهُ لَنَاتو اس کو نکالو (ظاہر کرو) ہمارے لیے
- اِنْنہیں
- تَتَّبِعُوْنَتم پیچھے چلتے ہو
- اِلَّاإگر (صرف)
- الظَّنَّگمان
- وَاِنْاور گر (نہیں)
- اَنْتُمْتم
- اِلَّاصرف
- تَخْرُصُوْنَاٹکل چلاتے ہو
Translation · Aasan Quran
جن لوگوں نے شرک اپنایا ہوا ہے وہ یہ کہیں گے کہ : اگر اللہ چاہتا تو نہ ہم شرک کرتے، نہ ہمارے باپ دادا، اور نہ ہم کسی بھی چیز کو حرام قرار دیتے، (79) ان سے پہلے کے لوگوں نے بھی اسی طرح (رسولوں کو) جھٹلایا تھا، یہاں تک کہ انہوں نے ہمارے عذاب کا مزہ چکھ لیا۔ تم ان سے کہو کہ : کیا تمہارے پاس کوئی علم ہے جو ہمارے سامنے نکال کر پیش کرسکو ؟ تم تو جس چیز کے پیچھے چل رہے ہو وہ گمان کے سوا کچھ نہیں، اور تمہارا کام اس کے سوا کچھ نہیں کہ وہمی اندازے لگاتے رہو۔
Tafseer · Aasan Quran
79: یہ پھر وہی بےہودہ دلیل ہے جس کا جواب بار بار دیا جاچکا ہے یعنی یہ کہ اگر اللہ کو شرک ناگوار ہے تو وہ ہمیں شرک پر قدرت ہی کیوں دیتا ہے ؟ جواب بار بار دیا گیا ہے کہ اگر اللہ تعالیٰ ساری دنیا کو اپنی قدرت کے ذریعے زبردستی ایمان پر مجبور کردے تو پھر امتحان ہی کیا ہوا ؟ دنیا تو اسی امتحان کے لئے پیدا کی گئی ہے کہ کون شخص اپنی سمجھ اور اپنے اختیار سے وہ صحیح راستہ اختیار کرتا ہے جو اللہ تعالیٰ نے ہر انسان کی فطرت میں بھی رکھ دیا ہے اور جس کی طرف رہنمائی کے لئے اتنے سارے پیغمبر بھیجے ہیں۔