Anwar-ul-Bayan

ثَانِيَ عِطْفِهٖ : موڑے ہوئے اپنی گردن لِيُضِلَّ : تاکہ گمراہ کرے عَنْ : سے سَبِيْلِ اللّٰهِ : اللہ کا راستہ لَهٗ : اس کے لیے فِي الدُّنْيَا : دنیا میں خِزْيٌ : رسوائی وَّنُذِيْقُهٗ : اور ہم اسے چکھائیں گے يَوْمَ الْقِيٰمَةِ : روز قیامت عَذَابَ : عذاب الْحَرِيْقِ : جلتی آگ

(اور تکبر سے) گردن موڑ لیتا (ہے) تاکہ (لوگوں کو) خدا کے راستے سے گمراہ کر دے اس کے لئے دنیا میں ذلت ہے اور قیامت کے دن ہم اسے عذاب (آتش) سوزاں کا مزہ چکھائیں گے

(22:9) ثانی۔ اسم فاعل۔ واحد مذکر۔ ثنی یثنی (ضرب) ثنی مصدر۔ عطفہ۔ اس کا شانہ۔ اس کا پہلو۔ عطف۔ مضاف ہ ضمیر واحد مذکر غائب مضاف الیہ۔ عطف کے معنی جانب وپہلو کے ہیں۔ اور اس کی جمع اعطاف ہے جیسے حمل کی جمع احمال ہے۔ عطف الانسان۔ سر سے لے سرین تک انسان کے دونوں جانب یعنی پہلو ہیں اور یہ بدن کا وہ حصہ ہے جس کو وہ موڑ سکتا ہے اور ثنی عطفہ کا استعمال منہ موڑنے اور سختی برتنے کے لئے ہوتا ہے۔ جیسے نای بجانبہ۔ (اس نے پہلو تہی کی) اور صعر بخدہ (اس نے اپنا گال پھلایا) جب اس کا تعدیہ بذریعہ علی ہوتا ہے تو اس کا استعمال شفقت اور میلان کے معنی میں ہوتا ہے چناچہ عطف علیہ (وہ اس پر مہربان ہوا) اور جب بذریعہ عن اس کا تعدیہ ہوتا ہے تو پھر اس کے معنی منہ موڑنے اور بےرخی کرنے کے ہوتے ہیں۔ جیسے عطفت عن فلان میں نے فلاں سے منہ موڑ لیا۔ ثانی عطفہ۔ ضمیر فاعل یجادل سے حال ہے (تکبر سے) پہلو کو موڑتا ہوا۔ لیضل عن سبیل اللہ۔ لیضل۔ لام تعلیل کے لئے ہے۔ یضل واحد مذکر غائب۔ تاکہ گمراہ کرے۔ تاکہ بہکاوے۔ (باب افعال) ۔ نذیقہ۔ مضارع جمع متکلم ہ ضمیر مفعول واحد مذکر غائب۔ ہم اس کو چھکائیں گے، اذاق یذیق اذاقۃ واذاقۃ (افعال ) چکھانا۔ ذائقۃ چکھنے والی۔ الحریق۔ آگ۔ احرق یحرق (افعال) کسی چیز کو جلانا۔ احترق (افعال) جل جانا جیسے فاصابھا اعصار فیہ نار فاحترقت۔ (2:266) تو (ناگہاں) اس باغ پر آگ کا بھرا ہوا بگولہ چلے اور وہ جل (کر راکھ کا ڈھیر ہو) جائے۔ حرق یحرق (تفعیل) جلانا ۔ قالوا حرقوہ (21:68) کہنے لگے اس کو جلادو۔ الحریق بروزن فعیل صفت مشبہ کا صیغہ بھی ہوسکتا ہے۔ اور فاعل اور مفعول دونوں کے معنی میں استعمال ہوتا ہے۔ یعنی جلانے والا۔ جلا ہوا۔ تپ محرقہ۔ تیز بخار۔ جلا دینے والا بخار۔

Top