Anwar-ul-Bayan

فَرِحَ الْمُخَلَّفُوْنَ بِمَقْعَدِهِمْ خِلٰفَ رَسُوْلِ اللّٰهِ وَ كَرِهُوْۤا اَنْ یُّجَاهِدُوْا بِاَمْوَالِهِمْ وَ اَنْفُسِهِمْ فِیْ سَبِیْلِ اللّٰهِ وَ قَالُوْا لَا تَنْفِرُوْا فِی الْحَرِّ١ؕ قُلْ نَارُ جَهَنَّمَ اَشَدُّ حَرًّا١ؕ لَوْ كَانُوْا یَفْقَهُوْنَ

فَرِحَ : خوش ہوئے الْمُخَلَّفُوْنَ : پیچھے رہنے والے بِمَقْعَدِهِمْ : اپنے بیٹھ رہنے سے خِلٰفَ : خلاف (پیچھے) رَسُوْلِ : رسول اللّٰهِ : اللہ وَكَرِهُوْٓا : اور انہوں نے ناپسند کیا اَنْ : کہ يُّجَاهِدُوْا : وہ جہاد کریں بِاَمْوَالِهِمْ : اپنے مالوں سے وَاَنْفُسِهِمْ : اور اپنی جانیں فِيْ : میں سَبِيْلِ اللّٰهِ : اللہ کی راہ وَقَالُوْا : اور انہوں نے کہا لَا تَنْفِرُوْا : نہ کوچ کرو فِي الْحَرِّ : گرمی میں قُلْ : آپ کہ دیں نَارُ جَهَنَّمَ : جہنم کی آگ اَشَدُّ : سب سے زیادہ حَرًّا : گرمی میں لَوْ : کاش كَانُوْا يَفْقَهُوْنَ : وہ سمجھ رکھتے

جو لوگ (غزوہ تبوک میں) پیچھے رہ گئے وہ پیغمبر خدا ﷺ (کی مرضی) کے خلاف بیٹھ رہنے سے خوش ہوئے اور اس بات کو ناپسند کیا کہ (خدا کی راہ میں) اپنے مال اور جان سے جہاد کریں۔ اور (اوروں سے بھی) کہنے لگے کہ گرمی میں مت نکلنا (ان سے) کہہ دو کہ دوزخ کی آگ اس سے کہیں زیادہ گرم ہے۔ کاش یہ (اس بات کو) سمجھتے۔

(9:81) المخلفون۔ وہ جو پیچھے چھوڑ دئیے گئے۔ اسم مفعول جمع ہے اس کا فاعل بیان نہیں کیا گیا ۔ پیچھے چھوڑ دینے والا۔ اللہ تعالیٰ ہی ہوسکتا ہے یا شیطان یا ان کی سستی یا مؤمنین ہوسکتے ہیں۔ بمقعدہم۔ مقعد اسم ظرف مکان۔ مفرد۔ مقاعد جمع ۔ قعدۃ۔ قعود مصدر۔ باب نصر بیٹھنے کی جگہ۔ یعنی اپنے گھروں میں بیٹھے رہنے پر (خوش ہیں) ۔ خلف۔ اس کے معنی پیچھے۔ مخالفت دونوں ہوسکتے ہیں۔ خلاف کے معنی ” الٹا “ بھی ہوسکتے ہیں ۔ قرآن مجید میں متعدد بار آیا ہے اوتقطع ایدیہم وارجلہم من خلاف (5:33) یا کاٹے جائیں ان کے ہاتھ اور پاؤں الٹی طرف سے۔ یعنی دایاں ہاتھ اور بایاں پاؤں یا بایاں ہاتھ اور دایاں پاؤں۔ لا تنفروا۔ فعل نہی۔ جمع مذکر حاضر۔ تم مت نکلو۔ تم مت کوچ کرو۔ نفار اور نفور سے۔ نفرالی الحرب۔ وہ لڑائی کے لئے نکلا۔ الا تنفروا یعذبکم عذابا الیما (9:39) اگر نہ نکلو گے تو خدا تم کو دردناک عذاب دیگا۔ نفور۔ بمعنی نفرت اور بدکنا بھی ہے جیسے مازادہم الا نفورا (35:42) تو اس سے ان کی نفرت ہی بڑھی۔ یا کانھم حمر مستنفرۃ (74:50) گویا وہ گدھے ہیں کہ بدک جاتے ہیں۔ الحر۔ گرمی۔ یعنی اتنی شدید گرمی میں گھر سے نہ نکلو۔ یفقھون۔ مضارع جمع مذکر غائب۔ سمجھ جاتے ۔ جان لیتے۔ فقہ مصدر (باب سمع) سمجھنا۔

Top