Jawahir-ul-Quran - Maryam : 30
قَالَ اِنِّیْ عَبْدُ اللّٰهِ١ؕ۫ اٰتٰىنِیَ الْكِتٰبَ وَ جَعَلَنِیْ نَبِیًّاۙ
قَالَ : بچہ نے اِنِّىْ : بیشک میں عَبْدُ اللّٰهِ : اللہ کا بندہ اٰتٰىنِيَ : اس نے مجھے دی ہے الْكِتٰبَ : کتاب وَجَعَلَنِيْ : اور مجھے بنایا ہے نَبِيًّا : نبی
وہ بولا میں بندہ ہوں اللہ کا22 مجھ کو اس نے کتاب دی ہے اور مجھ کو اس نے نبی کیا
22:۔ حضرت عیسیٰ (علیہ السلام) فوراً بول اٹھے کہ میں تو اللہ بندہ ہوں۔ اللہ نے مجھے نبی بنایا اور مجھے کتاب بھی دی ہے اور مجھے بابرکت کیا ہے اور جب تک میں زندہ رہوں۔ مجھے نماز پڑھنے اور زکوۃ دینے کا حکم فرمایا ہے۔ ” و بَرًّا بِوَالِدَتِیْ الخ “ اور مجھے اس نے والدہ سے حسن سلوک کرنے والا بنایا ہے اور مجھے سخت طبیعت اور سنگ دل نہیں بنایا۔ حضرت عیسیٰ (علیہ السلام) چونکہ بغیر باپ صرف والدہ ہی سے پیدا ہوئے تھے۔ اس لیے اللہ تعالیٰ نے ان کی زبان پر ” بَرًّا بِوَالِدَتِیْ “ کے الفاظ جاری فرمائے اور والدہ کے ساتھ والد کا ذکر نہیں ہے۔
Top