Kashf-ur-Rahman - Yunus : 26
لِلَّذِیْنَ اَحْسَنُوا الْحُسْنٰى وَ زِیَادَةٌ١ؕ وَ لَا یَرْهَقُ وُجُوْهَهُمْ قَتَرٌ وَّ لَا ذِلَّةٌ١ؕ اُولٰٓئِكَ اَصْحٰبُ الْجَنَّةِ١ۚ هُمْ فِیْهَا خٰلِدُوْنَ
لِلَّذِيْنَ : وہ لوگ جو کہ اَحْسَنُوا : انہوں نے بھلائی کی الْحُسْنٰى : بھلائی ہے وَزِيَادَةٌ : اور زیادہ وَلَا يَرْهَقُ : اور نہ چڑھے گی وُجُوْهَھُمْ : ان کے چہرے قَتَرٌ : سیاہی وَّلَا ذِلَّةٌ : اور نہ ذلت اُولٰٓئِكَ : وہی لوگ اَصْحٰبُ الْجَنَّةِ : جنت والے ھُمْ : وہ سب فِيْهَا : اس میں خٰلِدُوْنَ : ہمیشہ رہیں گے
جن لوگوں نے بھلے کام کیے ان کے لئے بھلی چیز ہے اور اس سے اور زیادہ بھی اور ان کے چہروں پر نہ تو سیاہی چھائے گی اور نہ ذلت یہی لوگ جنتی ہیں وہ اس جنت میں ہمیشہ رہیں گے
26 جن لوگوں نے اچھے اور بھلے کام کئے ان کے لئے خوبی اور بھلی چیز ہے اور اس سے زیادہ بھی ہے اور ان کے چہروں پر نہ تو غم اور پریشانی کی سیاہی چھائے گی اور نہ ذلت یہی لوگ جنتی اور اہل جنت ہیں وہ اس جنت میں ہمیشہ رہیں گے۔ بھلے کام کرنے والوں کے لئے بھلی چیز سے مراد جنت ہے یعنی جنہوں نے عبادت اچھے طور پر ادا کی ان کو اچھا بدلہ ملے گا اور فرمایا اس سے زیادہ بھی اس کے بہت سے معنی ہیں اور قول راحج یہ ہے کہ اس سے مراد دیدارِ الٰہی ہے سیاہی سے مراد وہ پھٹکار اور ذلت و رسوائی جو اہل دوزخ کے چہروں سے نمایاں ہوگی اس سے ان کے چہرے محفوظ ہوں گے بلکہ ان کے چہروں سے مسرت اور خوشی ٹپک رہی ہوگی۔
Top