Kashf-ur-Rahman - Ibrahim : 24
اَلَمْ تَرَ كَیْفَ ضَرَبَ اللّٰهُ مَثَلًا كَلِمَةً طَیِّبَةً كَشَجَرَةٍ طَیِّبَةٍ اَصْلُهَا ثَابِتٌ وَّ فَرْعُهَا فِی السَّمَآءِۙ
اَلَمْ تَرَ : کیا تم نے نہیں دیکھا كَيْفَ : کیسی ضَرَبَ اللّٰهُ : بیان کی اللہ نے مَثَلًا : مثال كَلِمَةً طَيِّبَةً : کلمہ طیبہ (پاک بات) كَشَجَرَةٍ : جیسے درخت طَيِّبَةٍ : پاکیزہ اَصْلُهَا : اس کی جڑ ثَابِتٌ : مضبوط وَّفَرْعُهَا : اور اس کی شاخ فِي : میں السَّمَآءِ : آسمان
اے پیغمبر کیا آپ نے ملاحظہ نہیں کیا اللہ نے کلمہ طیبہ کی ایک کیسی مثال بیان کی ہے کہ کلمہ طیبہ ایسا ہے جیسے ایک پاکیزہ درخت کہ اس کی جڑ خوب مضبوط ہو اور اس کی شاخیں آسمان سے ملی ہوئیں ہوں
24 ۔ اے پیغمبر کیا آپ نے ملاحظہ نہیں کیا اور کیا آپ کو معلوم نہیں کہ اللہ تعالیٰ نے کلمہ طیبہ اور ستھری و پاکیزہ بات کی ایک کیسی اچھی مثال بیان کی ہے وہ کلمہ طیبہ ایسا ہے جیسے ایک پاکیزہ درخت کہ اس کی جڑ خوب مضبوط جمی ہوئی ہو اور اس کی شاخیں بلندی میں آسمان سے باتیں کر رہی ہوں۔
Top