Kashf-ur-Rahman - Al-Hajj : 76
یَعْلَمُ مَا بَیْنَ اَیْدِیْهِمْ وَ مَا خَلْفَهُمْ١ؕ وَ اِلَى اللّٰهِ تُرْجَعُ الْاُمُوْرُ
يَعْلَمُ : وہ جانتا ہے مَا : جو بَيْنَ اَيْدِيْهِمْ : ان کے ہاتھوں کے درمیان ( آگے) وَمَا : اور جو خَلْفَهُمْ : ان کے پیچھے وَ : اور اِلَى اللّٰهِ : اللہ کی طرف تُرْجَعُ : لوٹناّ (بازگشت) الْاُمُوْرُ : سارے کام
وہ ان سب کے ائندہ اور گزشتہ حالات کو جانتا ہے اور سب کاموں کی بازگشت اللہ ہی کی طرف ہے
(76) وہ ان سب فرشتوں اور انسانوں کے اگلے پچھلے حالات کو جانتا ہے اور سب کاموں کی بازگشت اور جملہ امور کا مدار اسی پر ہے۔ یعنی اللہ ان کے گزشتہ اور آئندہ حالات کو جانتا ہے اس لئے اس کو معلوم ہے کہ کون خدمت رسالت کا اہل ہے اور کون نہیں ہے۔ پس جس کو مناسب سمجھتا ہے منتخب فرماتا ہے اس میں کسی دوسرے کو دخل نہیں۔ اس سے کسی کو اس انتخاب میں دریافت کرنے اور پوچھنے کا حق نہیں۔ اللہ اعلم حیث یجعل رسالتہ۔ حضرت شاہ صاحب (رح) فرماتے ہیں یعنی وے بھی اختیار نہیں رکھتے اختیار ہرچیز میں اللہ کا ہے۔ 12
Top