Kashf-ur-Rahman

حَتّٰۤى اِذَاۤ اَتَوْا عَلٰى وَادِ النَّمْلِ١ۙ قَالَتْ نَمْلَةٌ یّٰۤاَیُّهَا النَّمْلُ ادْخُلُوْا مَسٰكِنَكُمْ١ۚ لَا یَحْطِمَنَّكُمْ سُلَیْمٰنُ وَ جُنُوْدُهٗ١ۙ وَ هُمْ لَا یَشْعُرُوْنَ

حَتّىٰٓ : یہانتک کہ اِذَآ : جب اَتَوْا : وہ آئے عَلٰي : پر وَادِ النَّمْلِ : چیونٹیوں کا میدان قَالَتْ : کہا نَمْلَةٌ : ایک چیونٹی يّٰٓاَيُّهَا النَّمْلُ : اے چینٹیو ادْخُلُوْا : تم داخل ہو مَسٰكِنَكُمْ : اپنے گھروں (بلوں) میں لَا يَحْطِمَنَّكُمْ : نہ روند ڈالے تمہیں سُلَيْمٰنُ : سلیمان وَجُنُوْدُهٗ : اور اس کا لشکر وَهُمْ : اور وہ لَا يَشْعُرُوْنَ : نہ جانتے ہوں (انہیں شعور نہ ہو

یہاں تک کہ جب سلیمان (علیہ السلام) اور اس کے لشکرچیونٹیوں کے ایک میدان پر پہنچے تو ایک چیونٹی نے کہا اے چیونٹیو ! اپنے اپنے سوراخوں میں گھس جائو کہیں ایسا نہ ہو کہ سلیمان (علیہ السلام) اور اس کے لشکر تم کو کچل ڈالیں اور ان کو خبر بھی نہ ہو

(18) یہاں تک کہ جب سلیمان (علیہ السلام) اور اس کا لشکر چیونٹیوں کے ایک میدان پر پہونچے تو ایک چیونٹی نے دوسری چیونٹیوں سے کہا اے چیونٹیو ! تم اپنے سوراخوں اور مکانوں میں گھس جائو کہیں ایسا نہ ہو کہ سلیمان (علیہ السلام) اور اس کے لشکر تم کو کچل ڈالیں اور پیس ڈالیں اور ان کو خبر بھی نہ ہو یعنی راستے میں کوئی چیونٹیوں کی بستی اور وادی پڑتی ہوگی تو سلیمان (علیہ السلام) کے لشکر کو آتا دیکھ کر چیونٹیوں کے سردار نے یہ کہا ہوگا چونکہ اللہ تعالیٰ کی یہ مخلوق باوجود اپنی کثرت کے نہایت منظم ہے اور اس مخلوق میں ڈسپلن اور نظم بہت ہے باقاعدہ ان کی فوج ہوتی ہے جاسوس ہوتے ہیں خطرے کے وقت سراغ رساں سپاہی باہر نکلتا ہے اور حالات سے اندر والوں کو مطع کردیتا ہے اس موقع پر اطلاع دہندہ نے بڑی احتیاط سے کام لیا وھم لا یشعرون کہہ کر اس امر کو ظاہر کردیا کہ سلیمان (علیہ السلام) اور ان کا لشکر ظالم نہیں ہے کہ جان بوجھ کر کسی کو تکلیف پہونچائیں البتہ بیخبر ی میں ایسا ہوسکتا ہے کہ تم لشکر کی روندن میں آکر پس جائو اور گزرنے والوں کو خبر بھی نہ ہو حضرت سلیمان (علیہ السلام) نے یہ بات سن لی اور چیونٹی کی فراست اور کلام میں احتیاط پر ان کو ہنسی آگئی۔ حضرت شاہ صاحب (رح) فرماتے ہیں چیونٹی کی آواز کوئی نہیں سنتا ان کو معلوم ہوگئی 12

Top