Kashf-ur-Rahman - Adh-Dhaariyat : 50
فَفِرُّوْۤا اِلَى اللّٰهِ١ؕ اِنِّیْ لَكُمْ مِّنْهُ نَذِیْرٌ مُّبِیْنٌۚ
فَفِرُّوْٓا اِلَى : پس دوڑو طرف اللّٰهِ ۭ : اللہ کی اِنِّىْ لَكُمْ : بیشک میں تمہارے لیے مِّنْهُ : اس کی طرف سے نَذِيْرٌ : ڈرانے والا ہوں مُّبِيْنٌ : کھلم کھلا
سو تم اللہ ہی کی طرف دوڑو بیشک میں تم سب کے لئے اللہ کی طرف سے صاف صاف ڈرانے والا ہوں۔
(50) پس بھاگو اللہ تعالیٰ کی طرف بیشک میں اس کی جانب تم سب کے لئے صاف اور آشکارا طور پر ڈرانے والا ہوں۔ یعنی شرک سے توحید کی طرف بھاگو۔ یا عذاب سے ثواب کی طرف بھاگو یا ماسوی اللہ سے اللہ کی طرف بھاگو، باطل سے حق کی طرف اور اللہ کے غضب سے اللہ کی رحمت کی طرف بھاگو عبداللہ بن عباس ؓ نے فرمایا اللہ تعالیٰ سے اللہ تعالیٰ کی طرف بھاگو۔ اللھم انی اعوذبک منک۔
Top