Madarik-ut-Tanzil

اِنْفِرُوْا خِفَافًا وَّ ثِقَالًا وَّ جَاهِدُوْا بِاَمْوَالِكُمْ وَ اَنْفُسِكُمْ فِیْ سَبِیْلِ اللّٰهِ١ؕ ذٰلِكُمْ خَیْرٌ لَّكُمْ اِنْ كُنْتُمْ تَعْلَمُوْنَ

اِنْفِرُوْا : تم نکلو خِفَافًا : ہلکا۔ ہلکے وَّثِقَالًا : اور (یا) بھاری وَّجَاهِدُوْا : اور جہاد کرو بِاَمْوَالِكُمْ : اپنے مالوں سے وَاَنْفُسِكُمْ : اور اپنی جانوں فِيْ : میں سَبِيْلِ اللّٰهِ : اللہ کی راہ ذٰلِكُمْ : یہ تمہارے لیے خَيْرٌ : بہتر لَّكُمْ : تمہارے لیے اِنْ : اگر كُنْتُمْ : تم ہو تَعْلَمُوْنَ : جانتے ہو

تم سبکبار ہو یا گراں بار (یعنی مال و اسباب تھوڑا رکھتے ہو یا بہت گھروں سے) نکل آؤ اور خدا کے راستے میں مال اور جان سے لڑو۔ یہی تمہارے حق میں بہتر ہے بشرطیکہ سمجھو !

سامان (اسلحہ ‘ اسباب) خواہ تھوڑا ہو یا زیادہ اللہ کی راہ میں نکلو : آیت 41: اِنْفِرُوْا خِفَا فًا (اور تم نکل پڑو تھوڑے سامان سے) اس کی طرف نشاط سے جائو وَّ ثِقَالًا (زیادہ سامان سے) اس کے متعلق مشقت محسوس کرتے ہوئے۔ نمبر 2۔ خفاف جب تمہارے اہل و عیال تھوڑے ہوں اور ثقال اہل و عیال زیادہ ہوں۔ نمبر 3۔ کم مقدار میں اسلحہ ہو یا خوب اسلحہ ہو۔ نمبر 4۔ سوار اور پیدل نمبر 5۔ جو انی و بڑھاپے میں نمبر 6۔ کمزور اونٹوں پر اور موٹے تازے اونٹوں پر نمبر 7۔ صحت مندی اور مرض کی حالت میں۔ وَّ جَاھِدُوْا بِاَمْوَالِکُمْ وَاَنْفُسِکُمْ (اور جہاد کرو اپنے مال اور جان سے) ان دونوں کے ساتھ جہاد ممکن ہو۔ تو دونوں کے ذریعہ۔ اور اگر ایک سے ممکن ہو تو ایک کے ساتھ جس طرح حالت و ضرورت ہو۔ فِیْ سَبِیْلِ اللّٰہِ ذٰلِکُمْ (اللہ کی راہ میں) جہاد خَیْرٌ لَّکُمْ (تمہارے لئے بہتر ہے) اس کے چھوڑنے سے اِنْ کُنْتُمْ تَعْلَمُوْنَ (اگر تم یقین رکھتے ہو) اس کا بہتر ہونا تو پھر اسکی طرف سبقت کرو۔

Top