Mafhoom-ul-Quran

وَلُوْطًا : اور لوط اِذْ : (یاد کرو) جب قَالَ : اس نے کہا لِقَوْمِهٖٓ : اپنی قوم کو اِنَّكُمْ : بیشک لَتَاْتُوْنَ : تم کرتے ہو الْفَاحِشَةَ : بےحیائی مَا سَبَقَكُمْ : نہیں پہلے کیا تم نے بِهَا : اس کو مِنْ اَحَدٍ : کسی نے مِّنَ : سے الْعٰلَمِيْنَ : جہان والے

اور لوط کو یاد کرو جب انہوں نے اپنی قوم سے کہا کہ ” تم عجیب بےحیائی کا کام کرتے ہو ‘ تم سے پہلے اہل عالم میں سے کسی نے ایسا کام نہیں کیا۔

سیدنا لوط (علیہ السلام) اور ان کی قوم تشریح : اس بستی کا اشارہ قوم لوط کی اس بستی کی طرف ہے جو اب بحیرہ مردار کا حصہ بن چکی ہے۔ حضرت ابراہیم (علیہ السلام) اس وقت فلسطین کے شہر جرون میں رہتے تھے اس شہر کے جنوب مشرق میں چند میل کے فاصلے پر بحیرہ مردار (Leand Seq) کا وہ حصہ واقع ہے جہاں پہلے قوم لوط آباد تھی۔ موجودہ زمانے میں یہ بات تسلیم کی جا چکی ہے کہ بحیرہ مردار کا جنوبی حصہ ایک شدید زلزلہ کی وجہ سے زمین میں دھنس جانے کی وجہ سے وجود میں آیا اور یہ کھلی نشانی شاہراہ عام پر موجود ہے۔ جس کے بارے میں قرآن پاک میں آتا ہے کہ قوم لوط کی یہ تباہ شدہ بستی ‘ جو ان کے اعمال بد کی وجہ سے عذاب کا نشانہ بنی آج بھی عبرت کا نمونہ بنی ہوئی ہے کیونکہ اہل مکہ کے تجارتی قافلے جب شام کی طرف جاتے ہیں تو یہ راستے میں موجود ہے۔ یہی علاقہ قوم لوط کا مرکزی شہر سدوم ہے۔ سورة الشعراء ‘ ھود اور الاعراف میں بھی کافی تفصیل سے بیان کیا جا چکا ہے۔ یہاں پر بھی ان کی بدفعلی، رہزنی اور کھلے عام بےحیائی کا ذکر کیا گیا ہے کہ ایسی بدکردار قوم کے ساتھ سیدنا لوط نے کئی سال محنت کی مگر وہ راہ راست پر نہ آئی تو آخر ہار کر انہوں نے اللہ سے فریاد کی ” اے میرے رب ! ان مفسد لوگوں کے مقابلے میں میری مدد فرما۔ “ اللہ تعالیٰ نے ان پر اپنا عذاب نازل کیا فرشتوں نے اس خطہ زمین کو اپنے پروں پر اٹھایا، بلندی پر لے جا کر اس زور سے زمین پر الٹا کر مارا کہ وہ حصہ زمین میں دھنس گیا پھر اللہ نے اوپر سے پتھر برسائے اللہ نے اپنے پیغمبر اور ان کے گھر والوں کو عذاب سے بچا لیا مگر ان کی بیوی بھی عذاب کا شکار ہوئی کیونکہ وہ بھی انہی بدکاروں میں سے ایک تھی۔ اسی طرح اور بھی کئی قوموں اور پیغمبروں کے حالات مسلمانوں کے لیے تسلی اور عبرت بنی۔

Top