Mazhar-ul-Quran

وَ لَقَدْ اٰتَيْنَا : اور تحقیق دیا ہم نے دَاوٗدَ : داود وَسُلَيْمٰنَ : اور سلیمان عِلْمًا : (بڑا) علم وَقَالَا : اور انہوں نے کہا الْحَمْدُ : تمام تعریفیں لِلّٰهِ : اللہ کے لیے الَّذِيْ : وہ جس نے فَضَّلَنَا : فضیلت دی ہمیں عَلٰي : پر كَثِيْرٍ : اکثر مِّنْ : سے عِبَادِهِ : اپنے بندے الْمُؤْمِنِيْنَ : مون (جمع)

اور بیشک2 ہم نے داؤد اور سلیمان کو علم دیا اور ان دونوں نے (خوش ہوکر) کہا کہ سب تعریف اس اللہ ہی کو ہے کہ جس نے ہم کو اپنے بہت سے ایماندار بندوں پر فضیلت عطا کی۔

حضرت سلیمان (علیہ السلام) کا واقعہ۔ (ف 2) ان آیتوں میں فرمایا کہ ہم نے داؤد (علیہ السلام) اور سلیمان (علیہ السلام) کو علم دیا۔ ان کا علم و دانش مشہور اور ضرب المثل ہے، جس کے شکریہ میں وہ کہنے لگے کہ سب خوبیاں اس اللہ کو ہیں جس نے ہمیں بہت سے ایماندار بندوں پر فضیلت عطا کی۔ اور داؤد (علیہ السلام) کے وارث سلیمان (علیہ السلام) نے لوگوں سے اس بات کا خطاب کیا کہ ہم کو اللہ تعالیٰ نے جن اور شیاطین اور جانوروں کی بولی سکھلائی ، یہ اس علم اور ورثہ کی تفصیل شروع ہوتی ہے کہ ہم کو جانوروں کی بولی بتائی ، چناچہ منقول ہے کہ مور ایک روزیہ کہہ رہا تھا کہ جو کچھ یہاں کرتا ہے اس کا بدلہ آخرت میں ملے گا، ایک روز ہدہدیہ کہتا تھا کہ جو کوئی کسی پر رحم نہ کرے اللہ تعالیٰ اس پر رحم نہ کرے گا۔ حضرت عمر ؓ سے روایت ہے کہ ایک روز نبی ﷺ سے لوگوں نے عرض کیا کہ حضور ﷺ مرغا صبح کو کیا کہا کرتا ہے آپ نے ارشاد فرمایا کہ یہ یہی کہتا ہے اے غافلو، اللہ کی یاد کرو، اور تیتر کی بولی یہ ہے ، خدائے بزرگ عرش کریم پر قائم ہے اللہ اللہ کوئی جانور اپنے معبود کی یاد سے غافل نہیں واہ رے حضرت انسان، کہ ان میں سے بہت سے ایسے کہ بھولے سے بھی اپنے خدا کو یاد نہیں کرتے، حاصل یہ ہے کہ حضرت سلیمان (علیہ السلام) ہی کا معجزہ ہے جانوروں کی آواز کا پہچانا، اس لیے سلیمان (علیہ السلام) نے فرمایا کہ اللہ تعالیٰ نے ہم کو ہر ایک نعمت عطا فرمائی۔ جن جن نعمتوں کی ضرورت تھی سب عنایت ہوئیں غرض یہ کہ ہم کو کسی چیز کی ضرورت نہ رہی بیشک یہ اللہ کا ظاہر فضل ہے کسی پر پوشیدہ نہیں منقول ہے کہ حضرت سلیمان کے پاس ایک ایسا تخت تھا کہ کسی بادشاہ ہفت اقلیم کے پاس بھی ہرگز نہیں نکل سکتا فرمایا سلیمان کے لیے جو ان کا لشکر جمع کیا تھا ان میں جن تھے اور انسان بھی، اور پرندے بھی صف بستہ ترتیب کھڑے کیے جاتے تھے۔

Top