Mazhar-ul-Quran

اِنَّ اللّٰهَ : بیشک اللہ وَمَلٰٓئِكَتَهٗ : اور اس کے فرشتے يُصَلُّوْنَ : درود بھیجتے ہیں عَلَي النَّبِيِّ ۭ : نبی پر يٰٓاَيُّهَا : اے الَّذِيْنَ اٰمَنُوْا : ایمان والو صَلُّوْا : درود بھیجو عَلَيْهِ : اس پر وَسَلِّمُوْا : اور سلام بھیجو تَسْلِيْمًا : خوب سلام

بیشک1 اللہ ار اس کے فرشتے نبی پر درود بھیجتے ہیں، اے مسلمانو تم بھی (محمد پر) درود اور خوب سلام بھیجا کرو۔

درود شریف کے فضائل۔ (ف 1) ان آیتوں میں فرمایا کہ اللہ اور اس کے فرشتے نبی ﷺ پر درود بھیجتے ہیں اے مسلمانو، تم بھی محمد ﷺ پر خوب درود اور سلام بھیجا کرو جب اس نبی کا ہمارے ہاں اتنارتبہ ہے کہ خود ہم اور ہمارے فرشتے اس نبی پر درود بھیجتے ہیں تو تم کو یہ بطریق اولی اس نبی پر درود سلام بھیجنا ضروری ہے ۔ اور اللہ پاک نے جو نبی پر درود سلام بھیجنے کا حکم کیا اس کی وجہ یہ ہے کہ اللہ پاک نے آنحضرت کو تمام عالم میں پسند کیا، اور مصطفیٰ اور اپنا محبوب بنایا تو جس طرح اللہ پاک کو اپنی تعریف بندوں کی زبان سے اچھی معلوم ہوتی ہے اسی طرح اپنے محبوب کے ذکر کو تعظیم اور دعا کے ساتھ پسند فرمایا ہیی ، اس پر نبی کا عجب رتبہ اور بارگاہ الٰہی میں دعا کا وسیلہ ہے۔ بخاری میں ابوسعید خدری سے روایت ہے کہ درود شریف پڑھنے والے پر اللہ کی طرف سے ہر درود کے بدلے دس رحمتیں نازل ہوتی ہیں دس گنا اس کا مرتبہ بلند ہوتا ہے دس نیکیاں اس کے واسطے لکھی جاتی ہیں اور دس برائیاں اس سے دور کی جاتی ہیں ۔ دعامانگنے سے پہلے درود شریف پڑھاجائے تو دعاقبول ہوتی ہے ورنہ آسمان اور زمین کے درمیان معلق رہتی ہے۔ درود شریف سے نبی کی شفاعتی نصیب ہوگی گناہ معاف ہوتے ہیں ، مشکلیں آسان ہوتی ہیں حدیثوں میں ہزاروں فوائد لکھے ہیں غرض یہ کہ ہر شخص کے دل میں رسول اللہ کی محبت لازم ہے کیونکہ جس کے دل میں آپ کی محبت نہ ہوگی تو اس کے دل میں قرآن کی محبت بھی نہ ہوگی، اور خدا کی بھی نہ ہوگی۔ نبی نے فرمایا جو لوگ درود پڑھنے سے غافل ہیں قیامت کے دن درود شریف پڑھنے والوں کا ثواب دیکھ کر ان غافل لوگوں کو بڑی حسرت آوے گی بعض حدیثوں میں اور کچھ روایتوں میں یہ بھی آیا ہے کہ جو شخص درودشریف پڑھنا بھول گیا وہ گویا جنت کا راستہ بھول گیا، اس لیے مسلمانوں کو درود شریف کا زیادہ ورد رکھنا چاہیے۔

Top