Mazhar-ul-Quran

یٰۤاَیُّهَا الَّذِیْنَ اٰمَنُوْۤا اَطِیْعُوا اللّٰهَ وَ اَطِیْعُوا الرَّسُوْلَ وَ اُولِی الْاَمْرِ مِنْكُمْ١ۚ فَاِنْ تَنَازَعْتُمْ فِیْ شَیْءٍ فَرُدُّوْهُ اِلَى اللّٰهِ وَ الرَّسُوْلِ اِنْ كُنْتُمْ تُؤْمِنُوْنَ بِاللّٰهِ وَ الْیَوْمِ الْاٰخِرِ١ؕ ذٰلِكَ خَیْرٌ وَّ اَحْسَنُ تَاْوِیْلًا۠ ۧ

يٰٓاَيُّھَا : اے الَّذِيْنَ : وہ لوگ جو اٰمَنُوْٓا : ایمان لائے (ایمان والے) اَطِيْعُوا : اطاعت کرو اللّٰهَ : اللہ وَاَطِيْعُوا : اور اطاعت کرو الرَّسُوْلَ : رسول وَاُولِي الْاَمْرِ : صاحب حکومت مِنْكُمْ : تم میں سے فَاِنْ : پھر اگر تَنَازَعْتُمْ : تم جھگڑ پڑو فِيْ شَيْءٍ : کسی بات میں فَرُدُّوْهُ : تو اس کو رجوع کرو اِلَى اللّٰهِ : اللہ کی طرف وَالرَّسُوْلِ : اور رسول اِنْ : اگر كُنْتُمْ تُؤْمِنُوْنَ : تم ایمان رکھتے ہو بِاللّٰهِ : اللہ پر وَالْيَوْمِ : اور روز الْاٰخِرِ : آخرت ذٰلِكَ : یہ خَيْرٌ : بہتر وَّاَحْسَنُ : اور بہت اچھا تَاْوِيْلًا : انجام

اے مومنو ! فرمانبرداری کرو خدا کی اور فرمانبرداری کرورسول کی اور صاحبان حکومت کی اپنوں میں سے، پس اگر کسی چیز میں تمہارا اختلاف ہوجائے تو اسے رجوع کرو اللہ اور رسول کی طرف اگر ایمان رکھتے ہو خدا پر اور قیامت کے دن پر، یہ بہتر بات ہے اور اس کا انجام اچھا ہے (باعتبار عاقبت کے)

ان آیتوں کا مطلب یہ ہے کہ رسول (ﷺ) کی اطاعت اللہ ہی کی اطاعت ہے ۔ آنحضرت ﷺ نے فرمایا کہ جس نے میری اطاعت کی اس نے اللہ کی اطاعت کی اور جس نے میری نافرمانی کی اس نے اللہ کی نافرمانی کی ۔ اور یہ بھی فرمایا کہ جس نے امیر کی اطاعت کی اس نے میری اطاعت کی اور جس نے امیر کی نافرمانی کی اس نے میری نافرمانی کی ۔ اس آیت سے ثابت ہوا کہ مسلم امراء و حکام کی اطاعت واجب ہے جب تک وہ حق کے موافق رہیں ۔ اگر حق کے خلاف حکم کرین تو ان کی اطاعت نہیں ۔ اس آیت سے یہ معلوم ہوا کہ احکام تین قسم کے ہیں : (1) ایک وہ جو ظاہر کتاب یعنی قرآن سے ثابت ہوں ، (2) دوسرے حدیث سے ظاہر ہوں ۔ (3) تیسرے قرآن وحدیث سے بطریق قیاس رجوع کرنے سے ۔

Top