Mutaliya-e-Quran

يَسْئَلُكَ : آپ سے سوال کرتے ہیں النَّاسُ : لوگ عَنِ : سے (متعلق) السَّاعَةِ ۭ : قیامت قُلْ : فرمادیں اِنَّمَا : اس کے سوا نہیں عِلْمُهَا : اس کا علم عِنْدَ اللّٰهِ ۭ : اللہ کے پاس وَمَا : اور کیا يُدْرِيْكَ : تمہیں خبر لَعَلَّ : شاید السَّاعَةَ : قیامت تَكُوْنُ : ہو قَرِيْبًا : قریب

لوگ تم سے پوچھتے ہیں کہ قیامت کی گھڑی کب آئے گی کہو، اُس کا علم تو اللہ ہی کو ہے تمہیں کیا خبر، شاید کہ وہ قریب ہی آ لگی ہو

يَسْـَٔـــلُكَ [پوچھتے ہیں آپ ﷺ سے ] النَّاسُ [لوگ ] عَنِ السَّاعَةِ ۭ [اس گھڑی (قیامت) کے بارے میں ] قُلْ [آپ ﷺ کہیے ] اِنَّمَا [کچھ نہیں سوائے اس کے کہ ] عِلْمُهَا [اس کا علم ] عِنْدَ اللّٰهِ ۭ [اللہ کے پاس ہے ] وَمَا يُدْرِيْكَ [اور آپ ﷺ کیا جانیں ] لَعَلَّ [شاید ] السَّاعَةَ [وہ گھڑی ] تَكُوْنُ [ہو ] قَرِيْبًا [نزدیک ] ۔ نوٹ۔ 1: حضرت ابن عباس کا قول ہے کہ فعل ادرٰ یُدری سے جن چیزون کے لیے فعل ماضی ادرٰ آیا ہے، رسول اللہ ﷺ ان چیزوں کے متعلق جانتے تھے۔ اور جن چیزوں کے لئے فعل مضارع یدری آیا ہے آپ ﷺ ان کے متعلق نہیں جانتے تھے۔ حضرت ابن عباس کے قول کی توجیہ یہ ہے کہ ما ادراک میں ادرٰ کو اگر فعل ماضی مانا جائے تو ترجمہ ہوگا آپ ﷺ کیا جانیں یعنی آپ ﷺ کو نہیں معلوم لیکن اس کو فعل تعجب مانا جائے تو ترجمہ ہوگا آپ ﷺ کتنا جاننے والے ہیں یعنی آپ ﷺ خوب جانتے ہیں۔ لیکن فعل مجارع یدری کو فعل تعجب نہیں مانا جاسکتا۔ اس لئے اس کا ایک ہی ترجمہ ممکن ہے کہ آپ ﷺ کیا جانئیں یعنی آجپ ﷺ نہیں جانتے (حافظ احمد یار مرحوم) حافظ صاحب کا کیسٹ سن کر میں پھر معجم سے چیک کیا تو معلوم ہوا کہ ماادرٰک قرآن مجید میں 13 جگہ آیا ہے اور جن چیزوں کے لئے آیا ہے وہ یہ ہیں : اَلْحَاۗقَّةُ (69-3) ۔ سَقَرَ (76-27) يَوْمُ الْفَصْلِ (77-14) يَوْمُ الدِّيْنِ (دو مرتبہ۔ 82 ۔ 17/18) سِجِّيْنٌ (83-8) عِلِّيُّوْنَ (83-19) الطَّارِقُ (86-2) الْعَقَبَةُ (90-12) لَيْلَةُ الْقَدْرِ (97-2) اَلْقَارِعَةُ (101-3) هَاوِيَةٌ (101 ۔ 9/10) الْحُطَمَةُ (104-5) ۔ ظاہر ہے کہ یہ وہ چیزیں ہیں جن کا نہ صرف رسول اللہ ﷺ کو علم دیا گیا بلکہ ان میں سے اکثر کا آپ ﷺ کو شب معراج میں مشاہدہ بھی کرایا گیا۔ فعل مضارع یدریْ قرآن مجید میں تین جگہ آیا ہے۔ زیر مطالعہ آیت 63 ۔ کے علاوہ 42:17 ۔ اور 80:3 میں۔ـ

Top