Mutaliya-e-Quran - Al-A'raaf : 130
وَ لَقَدْ اَخَذْنَاۤ اٰلَ فِرْعَوْنَ بِالسِّنِیْنَ وَ نَقْصٍ مِّنَ الثَّمَرٰتِ لَعَلَّهُمْ یَذَّكَّرُوْنَ
وَلَقَدْ : اور البتہ اَخَذْنَآ : ہم نے پکڑا اٰلَ فِرْعَوْنَ : فرعون والے بِالسِّنِيْنَ : قحطوں میں وَنَقْصٍ : اور نقصان مِّنَ : سے (میں) الثَّمَرٰتِ : پھل (جمع) لَعَلَّهُمْ : تاکہ وہ يَذَّكَّرُوْنَ : نصیحت پکڑیں
ہم نے فرعون کے لوگوں کو کئی سال تک قحط اور پیداوار کی کمی میں مبتلا رکھا کہ شاید ان کو ہوش آئے
[ وَلَقَدْ اَخَذْنَآ : اور ہم پکڑ چکے ہیں ] [ اٰلَ فِرْعَوْنَ : فرعون کے پیروکاروں کو ] [ بِالسِّنِيْنَ : قحطوں سے ] [ وَنَقْصٍ : اور کچھ نقصان سے ] [ مِّنَ الثَّمَرٰتِ : پھلوں میں سے ] [ لَعَلَّهُمْ : شاید وہ لوگ ] [ يَذَّكَّرُوْنَ : نصیحت حاصل کریں ] (آیت ۔ 130) السنین (مادہ ۔ ” س ن و “ ) کی لغت آیت نمبر 2:96 میں دی ہوئی ہے ۔ سنۃ (ایک سال) کی جمع سنون عربی محاورے میں قحط سالی کے لیے بھی آتی ہے ۔ جیسے انگریزی میں Force کا مطلب ہے قوت ۔ طاقت ۔ جبکہ اس کی جمع forces سے فوجیں مراد ہوتی ہیں ۔
Top