تفسیر القرطبی

Al-Qurtubi · 103. Al-Asr · Ayah 3

  1. اِلَّا الَّذِیْنَ اٰمَنُوْا وَ عَمِلُوا الصّٰلِحٰتِ وَ تَوَاصَوْا بِالْحَقِّ١ۙ۬ وَ تَوَاصَوْا بِالصَّبْرِ۠ع﴿3﴾

    1. اِلَّاسوائے
    2. الَّذِيْنَ اٰمَنُوْاجو لوگ ایمان لائے
    3. وَعَمِلُوا الصّٰلِحٰتِاور انہوں نے عمل کئے نیک
    4. وَتَوَاصَوْا بالْحَقِّاور ایک دوسرے کو وصیت کی حق کی
    5. وَتَوَاصَوْااور وصیت کی
    6. بِالصَّبْرِصبر کی
Translation · Al-Qurtubi
مگر وہ لوگ جو ایمان لائے اور نیک عمل کرتے رہے اور آپس میں حق بات کی تلقین اور صبر کی تاکید کرتے رہے
Tafseer · Al-Qurtubi

بجز ان (خوش نصیبوں) کے جو ایمان لائے اور نیک عمل کرتے رہے نیز ایک دوسرے کو حق کی تلقین کرتے رہے اور ایک دوسرے کو صبر کی تاکید کرتے رہے۔

الا الذین یہ الانسان سے مستثنی ہے کیونکہ صحیح قول کے مطابق وہ الناس کے معنی میں ہے۔ عملوا الصالحات سے مراد انہوں نے فرائض ادا کیے وہ رسول اللہ کے صحابہ ہیں۔ حضرت ابی بن کعب نے کہا : میں نے رسول اللہ پر عصر کی نماز پڑھی پھر میں نے عرض کی : اے اللہ کے نبی ! اس کی تفسیر کیا ہے ؟ فرمایا والعصر یہ اللہ تعالیٰ کی جانب سے قسم ہے تمہارے رب نے دن کے آخر کی قسم اٹھائی، انسان سے مراد ابو جہل ہے۔ الذین امنوا سے مراد حضرت ابوبکر ہیں۔

عملو الصالحات سے مراد حضرت عمر ہیں وتواصوا سے مراد حضرت عثمان اور وتواصوا بالصبر سے مراد حضرت علی شیر خدا ہیں۔ حضرت ابن عباس نے منبر پر بیٹھ کر اس طرح خطبہ دیا تھا۔

تواصوا کا معنی ہے انہوں نے باہم محبت کی، انہوں نے ایک دوسرے کو وصیت کی اور ایک دوسرے کو برا نگیختہ کیا۔ الحق سے مراد توحید ہے ؛ ضحاک نے حضرت ابن عباس سے اسی طرح روایت کیا ہے۔ قتادہ نے کہا : حق سے مراد قرآن ہے۔ سدی نے کہا : یہاں حق سے مراد اللہ تعالیٰ کی ذات ہے ْ

وہ باہم اللہ تعلای کی طاعت اور معاصی پر صبر کی وصیت کرتے ہیں۔ یہ گفتگو پہلے گزر چکی ہے۔ اللہ تعالیٰ بہتر جانتا ہے۔

Al-Qurtubi - Al-Asr 103:3